(॥పల్లవి॥)
సమబుద్ధే యిందరికి సర్వవేదసారము
సముఁడిందరికి హరి సాధన మో యయ్యా
(॥సమ॥)
చీమకుఁ దనజన్మము చేరి సుఖమై తోఁచు
దోమకుఁ దనజన్మము దొడ్డసుఖము
ఆమనియీఁగకు సుఖ మాజన్మమై తోఁచు
యేమిటా నెక్కువసుఖ మెవ్వరి కేదయ్యా
(॥సమ॥)
జంతురాసులకు నెల్లా జననము లొక్కటే
అంతటాను మరణము లవియొక్కటే
చెంత నాహారనిద్రలు స్త్రీసుఖా లొక్కటే
ఇంతటా నిందుకంటే నెవ్వ రేమి గట్టిరయ్యా
(॥సమ॥)
ఇందులోన నెవ్వరైనానేమి శ్రీవేంకటపతి-
నందముగాఁ దలఁచిన దది సుఖము
యెందుఁ జూచిన నీతఁ డిందరిలో నంతరాత్మ
చందముగా నెవ్వరికి స్వతంత్ర మేదయ్యా
(||pallavi||)
samabuddhe yiṁdarigi sarvavedasāramu
samum̐ḍiṁdarigi hari sādhana mo yayyā
(||sama||)
sīmagum̐ danajanmamu seri sukhamai tom̐su
domagum̐ danajanmamu dŏḍḍasukhamu
āmaniyīm̐gagu sukha mājanmamai tom̐su
yemiḍā nĕkkuvasukha mĕvvari kedayyā
(||sama||)
jaṁturāsulagu nĕllā jananamu lŏkkaḍe
aṁtaḍānu maraṇamu laviyŏkkaḍe
sĕṁta nāhāranidralu strīsukhā lŏkkaḍe
iṁtaḍā niṁdugaṁṭe nĕvva remi gaṭṭirayyā
(||sama||)
iṁdulona nĕvvarainānemi śhrīveṁkaḍabadi-
naṁdamugām̐ dalam̐sina dadi sukhamu
yĕṁdum̐ jūsina nīdam̐ ḍiṁdarilo naṁtarātma
saṁdamugā nĕvvarigi svadaṁtra medayyā