(॥పల్లవి॥)
చలువకు వేఁడికి సరికి సరి
కలదిఁక హరి నీ కరుణే మాకు
(॥చలు॥)
కాయము గలిగినఁ గలుగుఁ దోడనే
పాయపుమదములు పైపైనే
రోయదు తనుఁ గని రుచులే వెదకును
యేయెడ హరి నిను నెరుఁగుట యెపుడో
(॥చలు॥)
కడుపు నిండితే ఘనమై నిండును
బడిఁ బంచేంద్రియపదిలములు
విడువ వాసలును వెలయు బంధములు
కడగని మోక్షము గైకొనుటెపుడో
(॥చలు॥)
పెక్కులు చదివిన పెనఁగుఁ దోడనే
తెక్కుల పలు సందేహములు
యెక్కువ శ్రీవేంకటేశ నీవె మా-
నిక్కపు వేల్పవు నీచిత్త మిఁకను
(||pallavi||)
saluvagu vem̐ḍigi sarigi sari
kaladim̐ka hari nī karuṇe māgu
(||salu||)
kāyamu galiginam̐ galugum̐ doḍane
pāyabumadamulu paibaine
royadu tanum̐ gani rusule vĕdagunu
yeyĕḍa hari ninu nĕrum̐guḍa yĕbuḍo
(||salu||)
kaḍubu niṁḍide ghanamai niṁḍunu
baḍim̐ baṁcheṁdriyabadilamulu
viḍuva vāsalunu vĕlayu baṁdhamulu
kaḍagani mokṣhamu gaigŏnuḍĕbuḍo
(||salu||)
pĕkkulu sadivina pĕnam̐gum̐ doḍane
tĕkkula palu saṁdehamulu
yĕkkuva śhrīveṁkaḍeśha nīvĕ mā-
nikkabu velbavu nīsitta mim̐kanu