చల్లలమ్మేదానవు అచ్చపు మగనాలవు
(॥పల్లవి॥)
చల్లలమ్మేదానవు అచ్చపు మగనాలవు
మల్లడి మా పొందులేల మరిగేవు నీవు
(॥చల్ల॥)
కమ్మి పున్నమవెన్నెల గాదెఁబోసికొంటివటే
యెమ్మెకే సెలవి నవ్వేవేపొద్దును
తమ్మిరేకులెల్లాఁదెచ్చి దాఁచుకవుందానవటే
కుమ్మరించేవు కన్నులఁ గుచ్చికుచ్చి మీఁదను
(॥చల్ల॥)
చిలుకపలుకులెల్లఁ జేన విత్తుకొంటివటే
వొలికేవు పెదవుల నొకటొకటే
కులికి చిగురులెల్లఁ గోసితటే మావాకిట
వెలయ నీయడుగుల వెదచల్లేవు
(॥చల్ల॥)
సోగతీఁగెలెల్ల నీసొమ్మటే నీచేతులను
భోగపుఁ గాఁగిట నన్నుఁ బొదిగేవు
యీగతి నే శ్రీ వేంకటేశుఁడ కూడితి నిన్ను
జాగులేల యిక్కడనే సతమై నిలువవే
(||pallavi||)
sallalammedānavu achchabu maganālavu
mallaḍi mā pŏṁdulela marigevu nīvu
(||salla||)
kammi punnamavĕnnĕla gādĕm̐bosigŏṁṭivaḍe
yĕmmĕge sĕlavi navvevebŏddunu
tammiregulĕllām̐dĕchchi dām̐sugavuṁdānavaḍe
kummariṁchevu kannulam̐ guchchiguchchi mīm̐danu
(||salla||)
silugabalugulĕllam̐ jena vittugŏṁṭivaḍe
vŏligevu pĕdavula nŏgaḍŏgaḍe
kuligi sigurulĕllam̐ gosidaḍe māvāgiḍa
vĕlaya nīyaḍugula vĕdasallevu
(||salla||)
sogadīm̐gĕlĕlla nīsŏmmaḍe nīsedulanu
bhogabum̐ gām̐giḍa nannum̐ bŏdigevu
yīgadi ne śhrī veṁkaḍeśhum̐ḍa kūḍidi ninnu
jāgulela yikkaḍane sadamai niluvave