(॥పల్లవి॥)
చలమె చెల్లించుకొన్న సతులాల
సులభమా మీతో పొందు సతులాల
(॥చల॥)
వ్రతినైన యతినైన వలలమాటలఁ బెట్టి
బతిమి చెరుతురుగా బంధువులాల
హితవరులువలెనె యింత నంత నెలయించి
తతిగొందురుగా ధనధాన్యములాల
(॥చల॥)
పెద్దనైన పిన్ననైన పెలుచుఁదనమె రేఁచి
కొద్దిమీరించిన కామక్రోధములాల
అద్దొ యెంతవిరక్తు నైనా విషయాలకె
తిద్దితిరిగా పంచేంద్రియములాల
(॥చల॥)
మునినైన ఋషినైన మోహమె పెంచి మరపి
మొనసితిరిగా యిల్లు ముంగిళ్లాల
ఘనుఁడైన శ్రీవెంకటనాథుపాదములు
చనవునఁ జూపతి రాచార్యులాలా
(||pallavi||)
salamĕ sĕlliṁchugŏnna sadulāla
sulabhamā mīdo pŏṁdu sadulāla
(||sala||)
vradinaina yadinaina valalamāḍalam̐ bĕṭṭi
badimi sĕrudurugā baṁdhuvulāla
hidavaruluvalĕnĕ yiṁta naṁta nĕlayiṁchi
tadigŏṁdurugā dhanadhānyamulāla
(||sala||)
pĕddanaina pinnanaina pĕlusum̐danamĕ rem̐si
kŏddimīriṁchina kāmakrodhamulāla
addŏ yĕṁtaviraktu nainā viṣhayālagĕ
tiddidirigā paṁcheṁdriyamulāla
(||sala||)
muninaina ṛṣhinaina mohamĕ pĕṁchi marabi
mŏnasidirigā yillu muṁgiḽlāla
ghanum̐ḍaina śhrīvĕṁkaḍanāthubādamulu
sanavunam̐ jūbadi rāsāryulālā