(॥పల్లవి॥)
చక్రమా హరిచక్రమా
వక్రమైన దనుజుల వక్కలించవో
(॥చక్రమా॥)
చుట్టి చుట్టి పాతాళము చొచ్చి హిరణ్యాక్షుని-
చట్టలు చీరిన వో చక్రమా
పట్టిన శ్రీహరి చేతఁ బాయక యీ జగములు
వొట్టుకొని కావగదవో వో చక్రమా
(॥చక్రమా॥)
పానుకొని దనుజుల బలుకిరీటమణుల
సానలఁ దీరిన వో చక్రమా
నానాజీవముల ప్రాణములుగాచి ధర్మ-
మూని నిలుపఁగదవో వో చక్రమా
(॥చక్రమా॥)
వెఱచి బ్రహ్మాదులు వేదమంత్రముల నీ
వుఱుట్లు గొనియాడేరో చక్రమా
అఱిముఱిఁ దిరు వేంకటాద్రీశు వీధుల
వొఱవుల మెఱయుదువో వో చక్రమా
(||pallavi||)
sakramā harisakramā
vakramaina danujula vakkaliṁchavo
(||sakramā||)
suṭṭi suṭṭi pādāḽamu sŏchchi hiraṇyākṣhuni-
saṭṭalu sīrina vo sakramā
paṭṭina śhrīhari sedam̐ bāyaga yī jagamulu
vŏṭṭugŏni kāvagadavo vo sakramā
(||sakramā||)
pānugŏni danujula balugirīḍamaṇula
sānalam̐ dīrina vo sakramā
nānājīvamula prāṇamulugāsi dharma-
mūni nilubam̐gadavo vo sakramā
(||sakramā||)
vĕṟasi brahmādulu vedamaṁtramula nī
vuṟuṭlu gŏniyāḍero sakramā
aṟimuṟim̐ diru veṁkaḍādrīśhu vīdhula
vŏṟavula mĕṟayuduvo vo sakramā