(॥పల్లవి॥)
చక్కని తల్లికి చాఁగుబళా తన-
చక్కెరమోవికి చాఁగుబళా
(॥చక్కని॥)
కులికేటి మురిపెపు గుమ్మరింపుఁ దన-
సళుపుఁ జూపులకు చాఁగుబళా
పలుకుల సొలపులఁ బతితోఁ గసరెడి-
చలముల యలుకకు చాఁగుబళా
(॥చక్కని॥)
కిన్నెరతోఁ బతి కెలన నిలుచుఁ దన-
చన్ను మెఱఁగులకు చాఁగుబళా
ఉన్నతిఁ బతిపైనొరగి నిలుచుఁ దన-
సన్నపు నడిమికి చాఁగుబళా
(॥చక్కని॥)
జందెపు ముత్యపు సరులహారముల -
చందనగంధికి చాఁగుబళా
విందయి వేంకటవిభుఁ బెనఁచిన తన-
సందిదండలకు చాఁగుబళా
(||pallavi||)
sakkani talligi sām̐gubaḽā tana-
sakkĕramovigi sām̐gubaḽā
(||sakkani||)
kuligeḍi muribĕbu gummariṁpum̐ dana-
saḽubum̐ jūbulagu sām̐gubaḽā
palugula sŏlabulam̐ badidom̐ gasarĕḍi-
salamula yalugagu sām̐gubaḽā
(||sakkani||)
kinnĕradom̐ badi kĕlana nilusum̐ dana-
sannu mĕṟam̐gulagu sām̐gubaḽā
unnadim̐ badibainŏragi nilusum̐ dana-
sannabu naḍimigi sām̐gubaḽā
(||sakkani||)
jaṁdĕbu mutyabu sarulahāramula -
saṁdanagaṁdhigi sām̐gubaḽā
viṁdayi veṁkaḍavibhum̐ bĕnam̐sina tana-
saṁdidaṁḍalagu sām̐gubaḽā