చక్కఁదనములు గొంత జాణతనములు గొంత నీ
(॥పల్లవి॥)
చక్కఁదనములు గొంత జాణతనములు గొంత నీ
వెక్కసము లెల్లఁ జాలు వేసాలఁ బోకురా
(॥చక్క॥)
పూసిన తట్టు పుణుఁగు బూమిలోనా లేనివింత
వాసనై లోకము వారి వలపించఁగా
ఆసలనే మమ్ముఁ గడు నలయించే వోరి నీవు
చేసినట్టె చేతు గాని చెఱఁగు విడువరా
(॥చక్క॥)
మెత్తినట్టి మృగనాభి మేన నెల్ల నిండె నిత్య
కొత్తలై నీ సొబగెల్లఁ గుప్పళించంగా
బిత్తరి చూపులతోడ ప్రియమైన కడకేఁగి
వత్తుగాని అంతకు నీవన్నె చూడనియ్యరా
(॥చక్క॥)
కట్టినట్టి పచ్చఁబట్టు కమ్మని పువ్వులతావి
యిట్టు నట్టు నెల్లవారి నెలయించఁగా
దిట్టనాయకుఁడ వోరి తిరువేంకటేశ నీ
పట్టినచలమే దక్కె బాపు వూరకుండరా
(||pallavi||)
sakkam̐danamulu gŏṁta jāṇadanamulu gŏṁta nī
vĕkkasamu lĕllam̐ jālu vesālam̐ bogurā
(||sakka||)
pūsina taṭṭu puṇum̐gu būmilonā leniviṁta
vāsanai logamu vāri valabiṁcham̐gā
āsalane mammum̐ gaḍu nalayiṁche vori nīvu
sesinaṭṭĕ sedu gāni sĕṟam̐gu viḍuvarā
(||sakka||)
mĕttinaṭṭi mṛganābhi mena nĕlla niṁḍĕ nitya
kŏttalai nī sŏbagĕllam̐ guppaḽiṁchaṁgā
bittari sūbuladoḍa priyamaina kaḍagem̐gi
vattugāni aṁtagu nīvannĕ sūḍaniyyarā
(||sakka||)
kaṭṭinaṭṭi pachcham̐baṭṭu kammani puvvuladāvi
yiṭṭu naṭṭu nĕllavāri nĕlayiṁcham̐gā
diṭṭanāyagum̐ḍa vori tiruveṁkaḍeśha nī
paṭṭinasalame dakkĕ bābu vūraguṁḍarā