(॥పల్లవి॥)
చక్కఁదనముల వారసతులాల
యిక్కువతెక్కువల మీ రేమి సేసే రిఁకను
(॥చక్క॥)
ఒప్పుగా నరకము మాకు బళిచ్చి మనమెల్ల
కప్పము గొంటిరిగా యంగనలార
అప్పుడే గోవిందునికి ఆహి వెట్టితిఁ జిత్తము
యుప్పుడు యెమ్మెల మీ రేమి సేసేరిఁకను
(॥చక్క॥)
పంచమహాపాతకాలబారిఁ దోసి మాసిగ్గులు
లంచము గొంటిరిగా నెలఁతలార
వంచనతోడుత హరివారమైతి మిఁక మీ
యుంచుకగుట్టుల మీరెందు చోచ్చే రిఁక
(॥చక్క॥)
దొంగిలి మాగుట్టులెల్లా దోవ వేసి మరుబారి
భంగ పెట్టితిరిగా వోభామలార
చెంగలించి వేంకటేశుసేవకుఁ జొచ్చితిమి
యెంగిలి మోవులును మీ రేడఁబడే రిఁకను
(||pallavi||)
sakkam̐danamula vārasadulāla
yikkuvadĕkkuvala mī remi sese rim̐kanu
(||sakka||)
ŏppugā naragamu māgu baḽichchi manamĕlla
kappamu gŏṁṭirigā yaṁganalāra
appuḍe goviṁdunigi āhi vĕṭṭidim̐ jittamu
yuppuḍu yĕmmĕla mī remi seserim̐kanu
(||sakka||)
paṁchamahābādagālabārim̐ dosi māsiggulu
laṁchamu gŏṁṭirigā nĕlam̐talāra
vaṁchanadoḍuda harivāramaidi mim̐ka mī
yuṁchugaguṭṭula mīrĕṁdu sochche rim̐ka
(||sakka||)
dŏṁgili māguṭṭulĕllā dova vesi marubāri
bhaṁga pĕṭṭidirigā vobhāmalāra
sĕṁgaliṁchi veṁkaḍeśhusevagum̐ jŏchchidimi
yĕṁgili movulunu mī reḍam̐baḍe rim̐kanu