చక్కఁదనముల చేత జవ్వనభారము చేత
(॥పల్లవి॥)
చక్కఁదనముల చేత జవ్వనభారము చేత
యెక్కడౌటాఁ గానదిఁక నేమి సేతమే
(॥చక్క॥)
ఒయ్యనె బంగారు తూఁగుటుయ్యాల మంచముమీఁద
పయ్యెద చెఱఁగు జారఁ బవ్వళించి
ముయ్యక మూసిన రెప్ప మూయుచుఁ దెరచుఁ గాని
నెయ్యమునఁ జూడనేరదేమి సేతమే
(॥చక్క॥)
ముత్తేల గద్దియమీఁద ముద్దుల కురులు దూల-
నొత్తిలి యొకతె మీఁద నొరగుండి
చిత్తగించి చేతనున్న చెంగలున బంతిఁ జెక్కు-
లొత్తుఁగాని మాటలొల్లదేమి సేతమే
(॥చక్క॥)
కమ్మని తావులతోడ కన్నుల నవ్వులతోడ
చిమ్ముఁ జెమటలతోడఁ జెలువొంది
కొమ్మకు నేడుఁగలిగె కోనేటిరాయని పొందు
నెమ్మనము దాఁచ నేరదేమి సేతమే
(||pallavi||)
sakkam̐danamula seda javvanabhāramu seda
yĕkkaḍauḍām̐ gānadim̐ka nemi sedame
(||sakka||)
ŏyyanĕ baṁgāru tūm̐guḍuyyāla maṁchamumīm̐da
payyĕda sĕṟam̐gu jāram̐ bavvaḽiṁchi
muyyaga mūsina rĕppa mūyusum̐ dĕrasum̐ gāni
nĕyyamunam̐ jūḍanerademi sedame
(||sakka||)
muttela gaddiyamīm̐da muddula kurulu dūla-
nŏttili yŏgadĕ mīm̐da nŏraguṁḍi
sittagiṁchi sedanunna sĕṁgaluna baṁtim̐ jĕkku-
lŏttum̐gāni māḍalŏllademi sedame
(||sakka||)
kammani tāvuladoḍa kannula navvuladoḍa
simmum̐ jĕmaḍaladoḍam̐ jĕluvŏṁdi
kŏmmagu neḍum̐galigĕ koneḍirāyani pŏṁdu
nĕmmanamu dām̐sa nerademi sedame