(॥పల్లవి॥)
సహజాచారములెల్లా సర్వేశ్వరుని యాజ్ఞే
అహమించి నమ్మకుండు టదియే పాషండము
(॥సహజా॥)
నిద్దిరించువానిచేతి నిమ్మవంటివలెనే
చద్దికర్మములు తానే జారితే జారె
పొద్దువొద్దు తనలోన భోగకాంక్ష లుండఁగాను
అద్దలించి కర్మ మొల్లననుటే పాషండము
(॥సహజా॥)
కలగన్నవాడు మేలుకనినటువలెనే
తలగి ప్రపంచ మెందో దాఁగితే దాగె
యిల నీదేహము మోఁచి యింతా గల్లలనుచు
పలికి తప్పనడచే భావమే పాషండము
(॥సహజా॥)
ధర నద్దము చూచేటి తనరూపమువలె
గరిమతో దనయాత్మ కంటేఁ గనె
సరుస శ్రీవేంకటేశుసాకార మటు గని
కరఁగి భజించలేని కష్టమే పాషండము
(||pallavi||)
sahajāsāramulĕllā sarveśhvaruni yājñe
ahamiṁchi nammaguṁḍu ṭadiye pāṣhaṁḍamu
(||sahajā||)
niddiriṁchuvānisedi nimmavaṁṭivalĕne
saddigarmamulu tāne jāride jārĕ
pŏdduvŏddu tanalona bhogagāṁkṣha luṁḍam̐gānu
addaliṁchi karma mŏllananuḍe pāṣhaṁḍamu
(||sahajā||)
kalagannavāḍu meluganinaḍuvalĕne
talagi prabaṁcha mĕṁdo dām̐gide dāgĕ
yila nīdehamu mom̐si yiṁtā gallalanusu
paligi tappanaḍase bhāvame pāṣhaṁḍamu
(||sahajā||)
dhara naddamu sūseḍi tanarūbamuvalĕ
garimado danayātma kaṁṭem̐ ganĕ
sarusa śhrīveṁkaḍeśhusāgāra maḍu gani
karam̐gi bhajiṁchaleni kaṣhṭame pāṣhaṁḍamu