సకలోపాసకులకు నందును సగుణంబే ప్రమాణము
(॥పల్లవి॥)
సకలోపాసకులకు నందును సగుణంబే ప్రమాణము
సకలమునీంద్రులు పూజించే యీసాకారమె ప్రమాణము
(॥సక॥)
సగుణంబని నినుఁ గొందరు సరి నిర్గుణమని కొందరు
వగలఁ బెక్కుగతిఁ జదివిన కొలఁదుల వారికి వారే వాదింతురు
అగణితస్వతంత్రుఁడవు గాన అల వాల్మీకి ఇట్టిట్టనకే
అగు "నిర్గుణాయ గుణాత్మనే" యని ఆనతి ఇచ్చుటే ప్రమాణము
(॥సక॥)
సోహం బని కొందరు "దాసోహం" బని కొందరు
సాహసవృత్తుల రెండుదెరంగుల సకలవివేకులు భజింతురు
దేహధారియై "దాసోహం" బని తేరి శుకుఁడు మీలోఁ గలసె
సోహపుభావన సర్వజగత్తులఁ జూపినదే ప్రమాణము
(॥సక॥)
ఆరుశాస్త్రముల నారుమతంబుల నారుగర్మములనైనాను
యీరీతుల మిము శరణని కొలువక యెవ్వరి కుపాయము లేదు
నారదాదులగు భక్తు లిందరును నానాగతు లరసి చూచి
సారపు శ్రీవేంకటపతి మీకే శరణనుటే ప్రమాణము
(||pallavi||)
sagalobāsagulagu naṁdunu saguṇaṁbe pramāṇamu
sagalamunīṁdrulu pūjiṁche yīsāgāramĕ pramāṇamu
(||saga||)
saguṇaṁbani ninum̐ gŏṁdaru sari nirguṇamani kŏṁdaru
vagalam̐ bĕkkugadim̐ jadivina kŏlam̐dula vārigi vāre vādiṁturu
agaṇidasvadaṁtrum̐ḍavu gāna ala vālmīgi iṭṭiṭṭanage
agu "nirguṇāya guṇātmane" yani ānadi ichchuḍe pramāṇamu
(||saga||)
sohaṁ bani kŏṁdaru "dāsohaṁ" bani kŏṁdaru
sāhasavṛttula rĕṁḍudĕraṁgula sagalavivegulu bhajiṁturu
dehadhāriyai "dāsohaṁ" bani teri śhugum̐ḍu mīlom̐ galasĕ
sohabubhāvana sarvajagattulam̐ jūbinade pramāṇamu
(||saga||)
āruśhāstramula nārumadaṁbula nārugarmamulanainānu
yīrīdula mimu śharaṇani kŏluvaga yĕvvari kubāyamu ledu
nāradādulagu bhaktu liṁdarunu nānāgadu larasi sūsi
sārabu śhrīveṁkaḍabadi mīge śharaṇanuḍe pramāṇamu