(॥పల్లవి॥)
చదురాల నేను జాణఁడవు నీవు
తుదిమొద లెంచితేను దొమ్మిగాదా
(॥చదు॥)
మనసు నెరుఁగుదు మర్మము నెరుఁగుదును
ననుఁజూచి నీవింత నవ్వవలెనా
పనులెల్లాఁ దక్కెను పంతము తుద కెక్కెను
పెనఁగఁబోతే నింక పిప్పి గాదా
(॥చదు॥)
పలుకఁగ నేరుతును భ్రమయించ నేరుతును
యెలమి నాతో నింత యెమ్మెవలెనా
తలఁపు లీడెరెను తమకము దైవారెను
చలపట్టితే నింక చప్పఁ గాదా
(॥చదు॥)
పట్టెమంచ మెక్కితిని బలువావి చేకొంటిని
మెట్టుక నాతో నింత మెచ్చవలెనా
అట్టె శ్రీవెంకటేశుఁ డలమేలుమంగ నేను
గుట్టుతో నుండితే నింక కొసరుగాదా
(||pallavi||)
sadurāla nenu jāṇam̐ḍavu nīvu
tudimŏda lĕṁchidenu dŏmmigādā
(||sadu||)
manasu nĕrum̐gudu marmamu nĕrum̐gudunu
nanum̐jūsi nīviṁta navvavalĕnā
panulĕllām̐ dakkĕnu paṁtamu tuda kĕkkĕnu
pĕnam̐gam̐bode niṁka pippi gādā
(||sadu||)
palugam̐ga nerudunu bhramayiṁcha nerudunu
yĕlami nādo niṁta yĕmmĕvalĕnā
talam̐pu līḍĕrĕnu tamagamu daivārĕnu
salabaṭṭide niṁka sappam̐ gādā
(||sadu||)
paṭṭĕmaṁcha mĕkkidini baluvāvi segŏṁṭini
mĕṭṭuga nādo niṁta mĕchchavalĕnā
aṭṭĕ śhrīvĕṁkaḍeśhum̐ ḍalamelumaṁga nenu
guṭṭudo nuṁḍide niṁka kŏsarugādā