(॥పల్లవి॥)
సతికి నిటువంటి రాజస మేల కలిగెనే
తతిగొన్న విరహాగ్ని ధరియించలేదు
(॥సతికి॥)
తోరమగు భారంపు తురుమేల కలిగెనే
నారీమణికి మెఱుఁగు నళినముఖికి
వైరంపు మరుని నెవ్వగల బాణాగ్నిచే
జారఁగా పలుమారు సవరించ లేదు
(॥సతికి॥)
వెలఁదికి జఘనంపుఁ వ్రేఁగేల కలిగెనే
కలహంస గమనమునఁ గదల లేదు
నలికంపు నడుము సన్నమున నవకపు మణుల
మొలనూలు జారఁగా మోవనే లేదు
(॥సతికి॥)
ఇంతికిని చక్కఁదన మింతేల కలిగెనే
వంతఁ బొరలించు యౌవన మదమున
ఇంత లోననె వేంకటేశు కౌఁగిటఁగలసి
మంతనపుఁ బరవశము మతిఁ దెలియలేదు
(||pallavi||)
sadigi niḍuvaṁṭi rājasa mela kaligĕne
tadigŏnna virahāgni dhariyiṁchaledu
(||sadigi||)
toramagu bhāraṁpu turumela kaligĕne
nārīmaṇigi mĕṟum̐gu naḽinamukhigi
vairaṁpu maruni nĕvvagala bāṇāgnise
jāram̐gā palumāru savariṁcha ledu
(||sadigi||)
vĕlam̐digi jaghanaṁpum̐ vrem̐gela kaligĕne
kalahaṁsa gamanamunam̐ gadala ledu
naligaṁpu naḍumu sannamuna navagabu maṇula
mŏlanūlu jāram̐gā movane ledu
(||sadigi||)
iṁtigini sakkam̐dana miṁtela kaligĕne
vaṁtam̐ bŏraliṁchu yauvana madamuna
iṁta lonanĕ veṁkaḍeśhu kaum̐giḍam̐galasi
maṁtanabum̐ baravaśhamu madim̐ dĕliyaledu