(॥పల్లవి॥)
సడిబెట్టెఁ గటకటా సంసారము చూడ-
జడధి లోపలి యీఁత సంసారము
(॥సడి॥)
జమునోరిలో బ్రదుకు సంసారము చూడ
చమురు దీసిన దివ్వె సంసారము
సమయించుఁ బెనుదెవులు సంసారము చూడ
సమరంబులో నునికి సంసారము
(॥సడి॥)
సందిగట్టినతాడు సంసారము చూడ
సందికంతలతోవ సంసారము
చుందురునిజీవనము సంసారము చూడ
చంద మేవలెనుండు సంసారము
(॥సడి॥)
చలువలోపలివేఁడి సంసారము చూడ
జలపూఁతబంగారు సంసారము
యిలలోనఁ దిరువేంకటేశ నీదాసులకు
చలువలకుఁ గడుఁజలువ సంసారము
(||pallavi||)
saḍibĕṭṭĕm̐ gaḍagaḍā saṁsāramu sūḍa-
jaḍadhi lobali yīm̐ta saṁsāramu
(||saḍi||)
jamunorilo bradugu saṁsāramu sūḍa
samuru dīsina divvĕ saṁsāramu
samayiṁchum̐ bĕnudĕvulu saṁsāramu sūḍa
samaraṁbulo nunigi saṁsāramu
(||saḍi||)
saṁdigaṭṭinadāḍu saṁsāramu sūḍa
saṁdigaṁtaladova saṁsāramu
suṁdurunijīvanamu saṁsāramu sūḍa
saṁda mevalĕnuṁḍu saṁsāramu
(||saḍi||)
saluvalobalivem̐ḍi saṁsāramu sūḍa
jalabūm̐tabaṁgāru saṁsāramu
yilalonam̐ diruveṁkaḍeśha nīdāsulagu
saluvalagum̐ gaḍum̐jaluva saṁsāramu