సడి సన్నయట్టి నెరజాణ నందువు
(॥పల్లవి॥)
సడి సన్నయట్టి నెరజాణ నందువు
గొడవలు దీరఁ జెలిఁ గూడ రాదా రతుల
(॥సడి॥)
చిగురుఁబానుపుమీఁదఁ జెలి విరహనఁ బొంది
చిగురువంటిచేయి చెక్కునఁ బెట్టి
చిగురులోపలిచేగ చిత్తమునఁ బుట్ట దాయ
చిగురుఁబోణిని దయ్య నేయ రాదా విభుఁడ
(॥సడి॥)
పూవులతోఁటలోన పొలఁతి తాపాన నుండి
పూవుల మొగ్గుల మేనఁ బులకించెను
పూవులలో పూఁపలు పుట్ట వాయ మాటలలో
పూవుఁబోణి నీవు గొంత బుజ్జగించ రాదా
(॥సడి॥)
పండువెన్నెలబయట భామిని యలయుచునుండి
పండువంటిమోవివాఁడు బయల వేసె
పండుగలు గాఁగ నిట్టె బాపురె శ్రీవెంకటేశ
పండుజవ్వనిఁ గూడితి పవ్వళించ రాదా
(||pallavi||)
saḍi sannayaṭṭi nĕrajāṇa naṁduvu
gŏḍavalu dīram̐ jĕlim̐ gūḍa rādā radula
(||saḍi||)
sigurum̐bānubumīm̐dam̐ jĕli virahanam̐ bŏṁdi
siguruvaṁṭiseyi sĕkkunam̐ bĕṭṭi
sigurulobalisega sittamunam̐ buṭṭa dāya
sigurum̐boṇini dayya neya rādā vibhum̐ḍa
(||saḍi||)
pūvuladom̐ṭalona pŏlam̐ti tābāna nuṁḍi
pūvula mŏggula menam̐ bulagiṁchĕnu
pūvulalo pūm̐palu puṭṭa vāya māḍalalo
pūvum̐boṇi nīvu gŏṁta bujjagiṁcha rādā
(||saḍi||)
paṁḍuvĕnnĕlabayaḍa bhāmini yalayusunuṁḍi
paṁḍuvaṁṭimovivām̐ḍu bayala vesĕ
paṁḍugalu gām̐ga niṭṭĕ bāburĕ śhrīvĕṁkaḍeśha
paṁḍujavvanim̐ gūḍidi pavvaḽiṁcha rādā