(॥పల్లవి॥)
సతతవిరక్తుఁడు సంసారి గాఁడు
రతిసమ్మదుఁడు విరక్తుఁడు నితఁడె
(॥సత॥)
నిత్యుఁడైనవాఁడు నిఖిలలోకములఁ-
బ్రత్యక్షవిభవ సంపన్నుఁడు గాఁడు
నిత్యుఁడు నితఁడే నిరుపమానుఁడైన
ప్రత్యక్షవిభవ సంపన్నుఁ డితఁడె
(॥సత॥)
యోగియైనవాఁడు వొనర నేకాలము
భోగియై భోగిపై భోగింపలేఁడు
యోగియు నితఁడే వుడుగక భోగిపై
భోగించునటువంటి పురుషుండు నితఁడె
(॥సత॥)
దేవుడైనవాఁడుఁ దెలుప లోకముల
దేవతారాధ్యుఁడై దీపింపలేఁడు
దేవుఁడు నితఁడే దివిజవంద్యుఁడైన
శ్రీవేంకటగిరిదేవుండితఁడె
(||pallavi||)
sadataviraktum̐ḍu saṁsāri gām̐ḍu
radisammadum̐ḍu viraktum̐ḍu nidam̐ḍĕ
(||sada||)
nityum̐ḍainavām̐ḍu nikhilalogamulam̐-
bratyakṣhavibhava saṁpannum̐ḍu gām̐ḍu
nityum̐ḍu nidam̐ḍe nirubamānum̐ḍaina
pratyakṣhavibhava saṁpannum̐ ḍidam̐ḍĕ
(||sada||)
yogiyainavām̐ḍu vŏnara negālamu
bhogiyai bhogibai bhogiṁpalem̐ḍu
yogiyu nidam̐ḍe vuḍugaga bhogibai
bhogiṁchunaḍuvaṁṭi puruṣhuṁḍu nidam̐ḍĕ
(||sada||)
devuḍainavām̐ḍum̐ dĕluba logamula
devadārādhyum̐ḍai dībiṁpalem̐ḍu
devum̐ḍu nidam̐ḍe divijavaṁdyum̐ḍaina
śhrīveṁkaḍagiridevuṁḍidam̐ḍĕ