चल सर्जा चल राजा बिगी बिगी बिगी जायाचं
बिन मोलाचं बिन तोलाचं सौंगडी शेतकर्याचं
माथ्यावरती दिवसाचा ये डोळा ... चल सर्जा
होय भुकेला शंभू हा, हाय भोळा ... चल राजा
भाकर काढा, झुणका रांधा, पोट भरे रायाचं
बिन मोलाचं बिन तोलाचं सौंगडी शेतकर्याचं
उडेल फेटा पळसाच्या रंगाचा ... चल सर्जा
खण जरतारी आणीन मी भिंगाचा ... चल राजा
तुजवर मळा घुंगुरवाळा लेणं सौभाग्याचं
बिन मोलाचं बिन तोलाचं सौंगडी शेतकर्याचं
येईल आता चांदोबा आभाळी ... चल सर्जा
होईल वेडी पारंब्यांची जाळी ... चल राजा
कलत्या मना, डुलत्या धना, टकमक नच पाह्याचं
बिन मोलाचं बिन तोलाचं सौंगडी शेतकर्याचं
