చావుతో సరియైన సౌఖ్యంబులోఁ దగిలి
(॥పల్లవి॥)
చావుతో సరియైన సౌఖ్యంబులోఁ దగిలి
వేవేలు దురితముల వేగించు టొండె
(॥చాప॥)
కనుఁగొనల నిరుమేను గాఁడిపారుట లొండె
చనుఁగొండలను మహచరులఁ బడు టొండె
తనివోని సురతములఁ దగిలి మునుఁగుట యొండె
ఘనమోహబంధములఁ గట్టువడు టొండె
(॥చాప॥)
మొనసి యాశాపాశములయురులఁ బడు టొండె
కనలి పొలయలుకచేఁ గాఁగు టది యొండె
మనసు కాఁతాళమును మల్లువెనఁగుట లొండె
పనిలేని మదనాగ్నిఁ బడి పొరలు టొండె
(॥చాప॥)
తడసి మమతల నిరంతర దైన్యమది యొండె
నడుమనే కన్నుగానక తిరుగు టొండె
యెడప కీతిరువేంకటేశుఁ దలఁపఁగలేక
పడని పాట్లనెల్లఁ బడి వేఁగు టొండె
(||pallavi||)
sāvudo sariyaina saukhyaṁbulom̐ dagili
vevelu duridamula vegiṁchu ṭŏṁḍĕ
(||sāba||)
kanum̐gŏnala nirumenu gām̐ḍibāruḍa lŏṁḍĕ
sanum̐gŏṁḍalanu mahasarulam̐ baḍu ṭŏṁḍĕ
tanivoni suradamulam̐ dagili munum̐guḍa yŏṁḍĕ
ghanamohabaṁdhamulam̐ gaṭṭuvaḍu ṭŏṁḍĕ
(||sāba||)
mŏnasi yāśhābāśhamulayurulam̐ baḍu ṭŏṁḍĕ
kanali pŏlayalugasem̐ gām̐gu ṭadi yŏṁḍĕ
manasu kām̐tāḽamunu malluvĕnam̐guḍa lŏṁḍĕ
panileni madanāgnim̐ baḍi pŏralu ṭŏṁḍĕ
(||sāba||)
taḍasi mamadala niraṁtara dainyamadi yŏṁḍĕ
naḍumane kannugānaga tirugu ṭŏṁḍĕ
yĕḍaba kīdiruveṁkaḍeśhum̐ dalam̐pam̐galega
paḍani pāṭlanĕllam̐ baḍi vem̐gu ṭŏṁḍĕ