(॥పల్లవి॥)
సాసముఖా నడె సాసముఖా
ఆసల పరివారము అవధారు దేవా
(॥సాస॥)
మత్తిలి జీవుఁడ నేటిమహిమ గలుగు రాజు
చిత్తమనియెడి పెద్ద సింహాసనం బెక్కి
బత్తితోఁ బంచేంద్రియపు పరివారము గొలువ
చిత్తజు పారుపత్యము సేసీనిదివో
(॥సాస॥)
కడు మదించి నహంకారమనే యేనుగపై
యెడనెడ నెక్కి తోలీనిదె జీవుఁడను రాజు
బడిబడిఁ గర్మముల పౌఁజులు దీర్చరో
వెడమాయ పట్టణపు వీధుల నేఁగీని
(॥సాస॥)
మించిన సంసారమనే మేడలో నేకాంతమున
పొంచి జీవుఁడనే రాజు భోగము భోగించఁగా
అంచెల శ్రీవేంకటేశుఁడనే దేవుఁడు వచ్చి
మంచితనమునఁ దానె మన్నించె నదివో
(||pallavi||)
sāsamukhā naḍĕ sāsamukhā
āsala parivāramu avadhāru devā
(||sāsa||)
mattili jīvum̐ḍa neḍimahima galugu rāju
sittamaniyĕḍi pĕdda siṁhāsanaṁ bĕkki
battidom̐ baṁcheṁdriyabu parivāramu gŏluva
sittaju pārubatyamu sesīnidivo
(||sāsa||)
kaḍu madiṁchi nahaṁkāramane yenugabai
yĕḍanĕḍa nĕkki tolīnidĕ jīvum̐ḍanu rāju
baḍibaḍim̐ garmamula paum̐julu dīrsaro
vĕḍamāya paṭṭaṇabu vīdhula nem̐gīni
(||sāsa||)
miṁchina saṁsāramane meḍalo negāṁtamuna
pŏṁchi jīvum̐ḍane rāju bhogamu bhogiṁcham̐gā
aṁchĕla śhrīveṁkaḍeśhum̐ḍane devum̐ḍu vachchi
maṁchidanamunam̐ dānĕ manniṁchĕ nadivo