(॥పల్లవి॥)
చాలదా యీ చనవులు
మేలపు సేఁతల నిన్ను మెచ్చించ గలిగె
(॥చాల॥)
ఎంతటిదిరా నిన్ను విందాఁక రానీక
పంతమాడి వలపించి బాసగొన్నది
ఇంతి నోఁచినట్టి నోము యెటువంటిదో నీ
చెంతఁజేరీ నీ మంచి చెక్కు నొక్కఁగలిగె
(॥చాల॥)
ఎవ్వతెరా నిన్ను నెలయించి తన నిండుఁ
జవ్వనము విలువిచ్చి జట్టి గొన్నది
అవ్వల దాని భాగ్యమది యెట్టిదో నీవు
పవ్వళించు పరుపుపై పవ్వళించఁ గలిగె
(॥చాల॥)
ఎట్టిదిరా సతి నిన్ను యింటిలోన వెళ్ళనీక
పట్టుకొని కౌఁగిటిలోఁ బాయనీనిది
అట్టె నిన్ను తిరువేంకటాధీశుఁడా నీవు
దట్టించు నీ కౌఁగిటిలో తగులఁగఁ గలిగె
(||pallavi||)
sāladā yī sanavulu
melabu sem̐tala ninnu mĕchchiṁcha galigĕ
(||sāla||)
ĕṁtaḍidirā ninnu viṁdām̐ka rānīga
paṁtamāḍi valabiṁchi bāsagŏnnadi
iṁti nom̐sinaṭṭi nomu yĕḍuvaṁṭido nī
sĕṁtam̐jerī nī maṁchi sĕkku nŏkkam̐galigĕ
(||sāla||)
ĕvvadĕrā ninnu nĕlayiṁchi tana niṁḍum̐
javvanamu viluvichchi jaṭṭi gŏnnadi
avvala dāni bhāgyamadi yĕṭṭido nīvu
pavvaḽiṁchu parububai pavvaḽiṁcham̐ galigĕ
(||sāla||)
ĕṭṭidirā sadi ninnu yiṁṭilona vĕḽḽanīga
paṭṭugŏni kaum̐giḍilom̐ bāyanīnidi
aṭṭĕ ninnu tiruveṁkaḍādhīśhum̐ḍā nīvu
daṭṭiṁchu nī kaum̐giḍilo tagulam̐gam̐ galigĕ