(॥పల్లవి॥)
చాలదా మా జన్మము నీ-
పాలింటివారమై బ్రతుకఁగఁ గలిగె
(॥చాలదా॥)
కమలాసనాదులు గానని నీపై
మమకారము సేయ మార్గము గలిగె
అమరేంద్రాదుల కందరాని నీ-
కొమరైన నామము కొనియాడఁ గలిగె
(॥చాలదా॥)
సనకాదులును గానఁజాలని నిన్నుఁ
తనివోవ మతిలోనఁ దలపోయఁ గలిగె
ఘనమునీంద్రులకు నగమ్యమైవున్న-
నిను సంతతమును వర్ణింపఁగలిగె
(॥చాలదా॥)
పరమమై భవ్యమై పరిగిననీ-
యిరవిట్టిదని మాకు నెఱుఁగంగఁ గలిగె
తిరువేంకటాచలాధిప నిన్ను యీ-
ధరమీఁదఁ బలుమారు దరిసింపఁ గలిగె
(||pallavi||)
sāladā mā janmamu nī-
pāliṁṭivāramai bradugam̐gam̐ galigĕ
(||sāladā||)
kamalāsanādulu gānani nībai
mamagāramu seya mārgamu galigĕ
amareṁdrādula kaṁdarāni nī-
kŏmaraina nāmamu kŏniyāḍam̐ galigĕ
(||sāladā||)
sanagādulunu gānam̐jālani ninnum̐
tanivova madilonam̐ dalaboyam̐ galigĕ
ghanamunīṁdrulagu nagamyamaivunna-
ninu saṁtadamunu varṇiṁpam̐galigĕ
(||sāladā||)
paramamai bhavyamai pariginanī-
yiraviṭṭidani māgu nĕṟum̐gaṁgam̐ galigĕ
tiruveṁkaḍāsalādhiba ninnu yī-
dharamīm̐dam̐ balumāru darisiṁpam̐ galigĕ