చాలదా బ్రహ్మమిది సంకీర్తనం మీకు
(॥పల్లవి॥)
చాలదా బ్రహ్మమిది సంకీర్తనం మీకు
జాలెల్ల నడఁగించు సంకీర్తనం
(॥చాలదా॥)
సంతోషకరమైన సంకీర్తనం
సంతాపమణఁగించు సంకీర్తనం
జంతువుల రక్షించు సంకీర్తనం
సంతతముఁ దలచుఁడీ సంకీర్తనం
(॥చాలదా॥)
సామజముఁ గాంచినది సంకీర్తనం
సామమున కెక్కుడీ సంకీర్తనం
సామీప్య మిందరికి సంకీర్తనం
సామాన్యమా విష్ణు సంకీర్తనం
(॥చాలదా॥)
జముబారి విడిపించు సంకీర్తనం
సమబుద్ధి వొడమించు సంకీర్తనం
జమళి సౌఖ్యములిచ్చు సంకీర్తనం
శమదమాదులఁ జేయు సంకీర్తనం
(॥చాలదా॥)
జలజాసనునినోరి సంకీర్తనం
చలిగొండసుతదలఁచు సంకీర్తనం
చలువ గడు నాలుకకు సంకీర్తనం
చలపట్టి తలఁచుఁడీ సంకీర్తనం
(॥చాలదా॥)
సరవి సంపదలిచ్చు సంకీర్తనం
సరిలేని దిదియపో సంకీర్తనం
సరుస వేంకటవిభుని సంకీర్తనం
సరుగననుఁ దలఁచుఁడీ సంకీర్తనం
(||pallavi||)
sāladā brahmamidi saṁkīrdanaṁ mīgu
jālĕlla naḍam̐giṁchu saṁkīrdanaṁ
(||sāladā||)
saṁtoṣhagaramaina saṁkīrdanaṁ
saṁtābamaṇam̐giṁchu saṁkīrdanaṁ
jaṁtuvula rakṣhiṁchu saṁkīrdanaṁ
saṁtadamum̐ dalasum̐ḍī saṁkīrdanaṁ
(||sāladā||)
sāmajamum̐ gāṁchinadi saṁkīrdanaṁ
sāmamuna kĕkkuḍī saṁkīrdanaṁ
sāmīpya miṁdarigi saṁkīrdanaṁ
sāmānyamā viṣhṇu saṁkīrdanaṁ
(||sāladā||)
jamubāri viḍibiṁchu saṁkīrdanaṁ
samabuddhi vŏḍamiṁchu saṁkīrdanaṁ
jamaḽi saukhyamulichchu saṁkīrdanaṁ
śhamadamādulam̐ jeyu saṁkīrdanaṁ
(||sāladā||)
jalajāsanuninori saṁkīrdanaṁ
saligŏṁḍasudadalam̐su saṁkīrdanaṁ
saluva gaḍu nālugagu saṁkīrdanaṁ
salabaṭṭi talam̐sum̐ḍī saṁkīrdanaṁ
(||sāladā||)
saravi saṁpadalichchu saṁkīrdanaṁ
sarileni didiyabo saṁkīrdanaṁ
sarusa veṁkaḍavibhuni saṁkīrdanaṁ
sarugananum̐ dalam̐sum̐ḍī saṁkīrdanaṁ