చాల నొవ్వి సేయునట్టి జన్మమేమి మరణమేమి
(॥పల్లవి॥)
చాల నొవ్వి సేయునట్టి జన్మమేమి మరణమేమి
మాలుగలపి దొరతనంబు మాన్పు టింత చాలదా
(॥చాల॥)
పుడమిఁ బాపకర్మమేమి పుణ్యకర్మమేమి తనకు
కడపరానిబంధములకుఁ గారణంబులైనవి
యెడపకున్న పసిఁడిఁసంకెలేమి యినుపసంకెలేమి
మెడకుఁ దగిలియుండి యెపుడు మీఁదుచూడరానివి
(॥చాల॥)
చలముకొన్న ఆపదేమి సంపదేమి యెపుడుఁ దనకు
అలమిపట్టి దు:ఖములకు నప్పగించినట్టిది
యెలమిఁ బసిఁడిగుదియయేమి యినుపగుదియయేమి తనకు
ములుగ ములుగఁ దొలితొలి మోఁదు టింత చాలదా
(॥చాల॥)
కర్మియైనయేమి వికృతకర్మియైననేమి దనకు
కర్మఫలముమీఁదకాంక్ష గలుగు టింత చాలదా
మర్మ మెరిఁగి వేంకటేశుమహిమలనుచుఁ దెలిసినట్టి
నిర్మలాత్ము కిహముఁ బరము నేఁడు గలిగెఁ జాలదా
(||pallavi||)
sāla nŏvvi seyunaṭṭi janmamemi maraṇamemi
mālugalabi dŏradanaṁbu mānpu ṭiṁta sāladā
(||sāla||)
puḍamim̐ bābagarmamemi puṇyagarmamemi tanagu
kaḍabarānibaṁdhamulagum̐ gāraṇaṁbulainavi
yĕḍabagunna pasim̐ḍim̐saṁkĕlemi yinubasaṁkĕlemi
mĕḍagum̐ dagiliyuṁḍi yĕbuḍu mīm̐dusūḍarānivi
(||sāla||)
salamugŏnna ābademi saṁpademi yĕbuḍum̐ danagu
alamibaṭṭi du:khamulagu nappagiṁchinaṭṭidi
yĕlamim̐ basim̐ḍigudiyayemi yinubagudiyayemi tanagu
muluga mulugam̐ dŏlidŏli mom̐du ṭiṁta sāladā
(||sāla||)
karmiyainayemi vikṛtagarmiyainanemi danagu
karmaphalamumīm̐dagāṁkṣha galugu ṭiṁta sāladā
marma mĕrim̐gi veṁkaḍeśhumahimalanusum̐ dĕlisinaṭṭi
nirmalātmu kihamum̐ baramu nem̐ḍu galigĕm̐ jāladā