రుచులు నే నిటు గొనని వేడవి రోఁతలయ్యెడిఁ గాక నేఁడు
(॥పల్లవి॥)
రుచులు నే నిటు గొనని వేడవి రోఁతలయ్యెడిఁ గాక నేఁడు
వచనముల హరి నీకు శరణని వసుధఁ బావనమైతిఁ గాక
(॥రుచు॥)
నేను సేయని పాపమేడది నిఖిలలోకములందును
నేను చొరని నరకమేడది నెఱయ దుర్గతుల
నేను పొడమని యోనులేడవి నిఖిలజంతువులందును
పూని హరి నిను శరణుచొరఁగాఁ బుణ్యుఁగాఁ జేసితివిఁ గాక
(॥రుచు॥)
నిరతి నాడని కల్లలేడవి నేను నాలుక తుదలయందును
పొరలి నడపని కర్మమేడది భువి ననాచారములలో
తిరిగి తిరిగి నీచులిండ్లను తిరియనర్థము లింకనేడవి
గరిమ హరి నే నిన్ను శరణనఁగాను ఘనుఁ జేసితివిఁ గాక
(॥రుచు॥)
తలఁప నజ్ఞానములు నపరాధములు నాయెడ లేనివేడవి
యెలిమి నన్నిట్లేలఁ దగునా యేలితివిఁ గాక
నిలిచి శ్రీవేంకటగిరీశ్వర నీకు శరణనుమాత్ర మింతే
కలసి నాయెడనేమి గంటివి కాచితివి భువనములలోను
(||pallavi||)
rusulu ne niḍu gŏnani veḍavi rom̐talayyĕḍim̐ gāga nem̐ḍu
vasanamula hari nīgu śharaṇani vasudham̐ bāvanamaidim̐ gāga
(||rusu||)
nenu seyani pābameḍadi nikhilalogamulaṁdunu
nenu sŏrani naragameḍadi nĕṟaya durgadula
nenu pŏḍamani yonuleḍavi nikhilajaṁtuvulaṁdunu
pūni hari ninu śharaṇusŏram̐gām̐ buṇyum̐gām̐ jesidivim̐ gāga
(||rusu||)
niradi nāḍani kallaleḍavi nenu nāluga tudalayaṁdunu
pŏrali naḍabani karmameḍadi bhuvi nanāsāramulalo
tirigi tirigi nīsuliṁḍlanu tiriyanardhamu liṁkaneḍavi
garima hari ne ninnu śharaṇanam̐gānu ghanum̐ jesidivim̐ gāga
(||rusu||)
talam̐pa najñānamulu nabarādhamulu nāyĕḍa leniveḍavi
yĕlimi nanniṭlelam̐ dagunā yelidivim̐ gāga
nilisi śhrīveṁkaḍagirīśhvara nīgu śharaṇanumātra miṁte
kalasi nāyĕḍanemi gaṁṭivi kāsidivi bhuvanamulalonu