(॥పల్లవి॥)
రెప్పలమరఁ గదె రేపును మాపును
యిప్పుడే తోఁచీ నిదివో కీలు
(॥రెప్ప॥)
మనసున నున్నవి మాయలన్నియును
మనసు మరచితే మాయలు మరచును
పనివడి మనసునుఁ బారఁగవిడిచిన
కనుఁగొన మాయలు కడలే వివిగో
(॥రెప్ప॥)
దేహమున నున్నది తెగని లంపటము
దేహ మణఁచితేఁ దెగును లంపటము
వూహల దేహమే వోమగఁ దొడఁగిన
మోహపు మాయలు మోపుల కొలఁది
(॥రెప్ప॥)
ఆతుమ నున్నాఁడు అంతరాత్మకుఁడు
ఆతుమ మరచిన నాతఁడు మరచును
యీతఁడె శ్రీవేంకటేశ్వరుఁ గొలిచిన
చేచేతనే సుఖములు సేనాసేన
(||pallavi||)
rĕppalamaram̐ gadĕ rebunu mābunu
yippuḍe tom̐sī nidivo kīlu
(||rĕppa||)
manasuna nunnavi māyalanniyunu
manasu maraside māyalu marasunu
panivaḍi manasunum̐ bāram̐gaviḍisina
kanum̐gŏna māyalu kaḍale vivigo
(||rĕppa||)
dehamuna nunnadi tĕgani laṁpaḍamu
deha maṇam̐sidem̐ dĕgunu laṁpaḍamu
vūhala dehame vomagam̐ dŏḍam̐gina
mohabu māyalu mobula kŏlam̐di
(||rĕppa||)
āduma nunnām̐ḍu aṁtarātmagum̐ḍu
āduma marasina nādam̐ḍu marasunu
yīdam̐ḍĕ śhrīveṁkaḍeśhvarum̐ gŏlisina
sesedane sukhamulu senāsena