(॥పల్లవి॥)
రెక్కలకొండవలె మీరిన బ్రహ్మాండమువలె
వెక్కసమైన తేరుపై వెలసీని దేవుఁడు
(॥రెక్క॥)
బిఱబిఱఁ దిరిగేటి పెనుబండికండ్లతో
గుఱుతైన పడగెల గుంపులతో
తఱితో ధరణి గ్రక్కదలఁ గదలెను తేరు
మెఱసీ వీధివీధుల మేఁటియైన దేవుఁడు
(॥రెక్క॥)
ధగధగమను నాయుధపు మెరుఁగులతోడ
జిగిమించుఁ బగ్గముల చేరులతో
పగటు రాకాసులపైఁ బారీనదె తేరు
నిగిడి నలుదిక్కుల నీటు చూపీ దేవుఁడు
(॥రెక్క॥)
ఘణఘణ మనియెడి గంటల రవముతోడ
ప్రణుతి నలమేల్మంగ పంతాలతోడ
రణములు గెలిచి మరలెనదే తిరుతేరు
గణుతికెక్కెను శ్రీవేంకటగిరిదేవుఁడు
(||pallavi||)
rĕkkalagŏṁḍavalĕ mīrina brahmāṁḍamuvalĕ
vĕkkasamaina terubai vĕlasīni devum̐ḍu
(||rĕkka||)
biṟabiṟam̐ dirigeḍi pĕnubaṁḍigaṁḍlado
guṟudaina paḍagĕla guṁpulado
taṟido dharaṇi grakkadalam̐ gadalĕnu teru
mĕṟasī vīdhivīdhula mem̐ṭiyaina devum̐ḍu
(||rĕkka||)
dhagadhagamanu nāyudhabu mĕrum̐guladoḍa
jigimiṁchum̐ baggamula serulado
pagaḍu rāgāsulabaim̐ bārīnadĕ teru
nigiḍi naludikkula nīḍu sūbī devum̐ḍu
(||rĕkka||)
ghaṇaghaṇa maniyĕḍi gaṁṭala ravamudoḍa
praṇudi nalamelmaṁga paṁtāladoḍa
raṇamulu gĕlisi maralĕnade tiruderu
gaṇudigĕkkĕnu śhrīveṁkaḍagiridevum̐ḍu