(॥పల్లవి॥)
రసికుఁడ తిరుపతి రఘువీరా
కొసరుగాదు నాలోని కూరిములు గాని
(॥రసి॥)
వెలయ నీవిఱిచిన విల్లువంటిది గాదు
విలసిల్లు నాబొమ్మలవిండ్లు గాని
చెలఁగి తపసుచేసే చిత్రకూటగిరి గాదు
గిలుకొట్టు నాకుచగిరులు గాని
(॥రసి॥)
మేటియై నీవు వేసిన మెకముచూపు గాదు
సూటిదప్పని నా కనుచూపులు గాని
గాఁటమై నీవు సేతువు గట్టిన జలధి గాదు
చాటువ నాచెమటల జలధులు గాని
(॥రసి॥)
తగ నీవు గెలిచిన దనుజయుద్ధము గాదు
దగతోడి నా మదన యుద్ధము గాని
నగు శ్రీ వేంకటేశ కనక సతి పొందు గాదు
పొగడే సీతనైన నాపొందులు గాని
(||pallavi||)
rasigum̐ḍa tirubadi raghuvīrā
kŏsarugādu nāloni kūrimulu gāni
(||rasi||)
vĕlaya nīviṟisina villuvaṁṭidi gādu
vilasillu nābŏmmalaviṁḍlu gāni
sĕlam̐gi tabasusese sitragūḍagiri gādu
gilugŏṭṭu nāgusagirulu gāni
(||rasi||)
meḍiyai nīvu vesina mĕgamusūbu gādu
sūḍidappani nā kanusūbulu gāni
gām̐ṭamai nīvu seduvu gaṭṭina jaladhi gādu
sāḍuva nāsĕmaḍala jaladhulu gāni
(||rasi||)
taga nīvu gĕlisina danujayuddhamu gādu
dagadoḍi nā madana yuddhamu gāni
nagu śhrī veṁkaḍeśha kanaga sadi pŏṁdu gādu
pŏgaḍe sīdanaina nābŏṁdulu gāni