(॥పల్లవి॥)
రమ్మనవే వాని రమ్మనవే - యీ-
తమ్మికనుఁగొనల తళుకులవాని
(॥రమ్మ॥)
మెలుపున నేను మేడమీఁద యీ-
చిలుకఁ బేరుకొని పిలువఁగను
అలపున వీథిఁ దానరుగుచును తనుఁ
బిలిచితినంటాఁ బలికినవాని
(॥రమ్మ॥)
కేరడమైన కిన్నెరలో యీ-
నారణి ముట్టుచు నలుగడను
చేరువల తాఁజెలఁగుచును యిటు
పేరుకొనుచు ననుఁ బిలిచినవాని
(॥రమ్మ॥)
పరవశమై నేఁ బానుపున యీ-
గిరికుచముల నొడ్డగిలఁగాను
తిరువేంకటఘనగిరిపతి ననుచును యీ-
సిరులుగ ననునిటు చెనకినవాని
(||pallavi||)
rammanave vāni rammanave - yī-
tammiganum̐gŏnala taḽugulavāni
(||ramma||)
mĕlubuna nenu meḍamīm̐da yī-
silugam̐ berugŏni piluvam̐ganu
alabuna vīthim̐ dānarugusunu tanum̐
bilisidinaṁṭām̐ baliginavāni
(||ramma||)
keraḍamaina kinnĕralo yī-
nāraṇi muṭṭusu nalugaḍanu
seruvala tām̐jĕlam̐gusunu yiḍu
perugŏnusu nanum̐ bilisinavāni
(||ramma||)
paravaśhamai nem̐ bānubuna yī-
girigusamula nŏḍḍagilam̐gānu
tiruveṁkaḍaghanagiribadi nanusunu yī-
siruluga nanuniḍu sĕnaginavāni