(॥పల్లవి॥)
రమణి నేర్పు నేరములాయె
జమళి విధుల సరసపు విభుఁడా
(॥రమణి॥)
తెఱవకు నంపిన తెల్లని కలువలు
మఱపున కెందామర లాయె
నెఱుఁగము నీవిపు డింతచేతువని
కఱతలకలికివి గా విభుఁడా
(॥రమణి॥)
మగువకు నంపిన మకరంద మిచ్చటి
జిగి దొలంకేటి చిఱుచేఁదాయె
అగు నీ యెకసక్యమ్ముల మాటల
వగ నెఱజాణండవా విభుఁడా
(॥రమణి॥)
చెంతల ముత్యపుం జిప్పల తోయము
లంతలోనె ముత్యములాయె
సంతత కరుణా జలనిధి లక్ష్మీ
కాంతుఁడవఁట వేంకట విభుఁడా
(||pallavi||)
ramaṇi nerbu neramulāyĕ
jamaḽi vidhula sarasabu vibhum̐ḍā
(||ramaṇi||)
tĕṟavagu naṁpina tĕllani kaluvalu
maṟabuna kĕṁdāmara lāyĕ
nĕṟum̐gamu nīvibu ḍiṁtaseduvani
kaṟadalagaligivi gā vibhum̐ḍā
(||ramaṇi||)
maguvagu naṁpina magaraṁda michchaḍi
jigi dŏlaṁkeḍi siṟusem̐dāyĕ
agu nī yĕgasakyammula māḍala
vaga nĕṟajāṇaṁḍavā vibhum̐ḍā
(||ramaṇi||)
sĕṁtala mutyabuṁ jippala toyamu
laṁtalonĕ mutyamulāyĕ
saṁtada karuṇā jalanidhi lakṣhmī
kāṁtum̐ḍavam̐ṭa veṁkaḍa vibhum̐ḍā