రావయ్య నీకేల యింత రామలతో బాసలు
(॥పల్లవి॥)
రావయ్య నీకేల యింత రామలతో బాసలు
భావించి నిన్నుఁ జూచితే పైకొనక వుందురా
(॥రావ॥)
వుండుండి బూమివారెల్లా వూరకే నీకన్నులను
పుండరీకములనిట్టే పోలునందురు
కొండవలె నీవునేఁడు గొల్లెతలనంటఁగాను
అండనె నీపై నిందలాడకుందురా
(॥రావ॥)
యింతలో నల్లనుండఁగ యిందరు నీతిరుమేను
పొంతనట్టే నీలాద్రిఁ బోలునందురు
వింతగా చీఁకటిలోన వెన్నలు దొంగిలు నిన్ను
యెంతైనా నల్లఁదెల్లలు యెంచకుందురా
(॥రావ॥)
శ్రీ వెంకటేశుఁడ నీచేతిశంఖచక్రాలు
పూవుగుత్తుల చన్నులఁ బోలునందురు
కావించి మావంటివారిఁ గాఁగిలించి కూడితివి
చేవదేరె నిన్నురట్టు సేయకుందురా
(||pallavi||)
rāvayya nīgela yiṁta rāmalado bāsalu
bhāviṁchi ninnum̐ jūside paigŏnaga vuṁdurā
(||rāva||)
vuṁḍuṁḍi būmivārĕllā vūrage nīgannulanu
puṁḍarīgamulaniṭṭe polunaṁduru
kŏṁḍavalĕ nīvunem̐ḍu gŏllĕdalanaṁṭam̐gānu
aṁḍanĕ nībai niṁdalāḍaguṁdurā
(||rāva||)
yiṁtalo nallanuṁḍam̐ga yiṁdaru nīdirumenu
pŏṁtanaṭṭe nīlādrim̐ bolunaṁduru
viṁtagā sīm̐kaḍilona vĕnnalu dŏṁgilu ninnu
yĕṁtainā nallam̐dĕllalu yĕṁchaguṁdurā
(||rāva||)
śhrī vĕṁkaḍeśhum̐ḍa nīsediśhaṁkhasakrālu
pūvuguttula sannulam̐ bolunaṁduru
kāviṁchi māvaṁṭivārim̐ gām̐giliṁchi kūḍidivi
sevaderĕ ninnuraṭṭu seyaguṁdurā