(॥పల్లవి॥)
రారే ఆతనినేల రవ్వ సేసేరు
దూరించుకోఁడు వచ్చి సంతోస పెట్టీనిపుడు
(॥రారే॥)
చతురుఁడైనవాఁడు చనవులిచ్చినవాఁడు
సతిఁ గరుణించి మన్నించక మానునా
మతిలోఁ బాయనివాఁడు మనముచెప్పినదాఁక
యితవెరగనిచేఁత లింతసేసీనా
(॥రారే॥)
మాటలాడేయట్టివాఁడు మర్మమెరిఁగినవాఁడు
ఆఁటదానికి బాసిచ్చి అదెరఁగఁడా
సూటిదెలిసినవాఁడు సొలసి యందరిచేత
కూటమిఁ గొసరింపంచుకొనఁ బోయీనా
(॥రారే॥)
శ్రీ వెంకటాద్రివాఁడు చేరి నమ్మించినవాఁడు
యీవనితఁ గలసి తానెరవయ్యీనా
దేవుఁడితఁడైనఁవాఁడు తెరవలు నవ్వేదెల్ల
భావించుకొనుచు మేలే పచరించఁడా
(||pallavi||)
rāre ādaninela ravva seseru
dūriṁchugom̐ḍu vachchi saṁtosa pĕṭṭīnibuḍu
(||rāre||)
sadurum̐ḍainavām̐ḍu sanavulichchinavām̐ḍu
sadim̐ garuṇiṁchi manniṁchaga mānunā
madilom̐ bāyanivām̐ḍu manamusĕppinadām̐ka
yidavĕraganisem̐ta liṁtasesīnā
(||rāre||)
māḍalāḍeyaṭṭivām̐ḍu marmamĕrim̐ginavām̐ḍu
ām̐ṭadānigi bāsichchi adĕram̐gam̐ḍā
sūḍidĕlisinavām̐ḍu sŏlasi yaṁdariseda
kūḍamim̐ gŏsariṁpaṁchugŏnam̐ boyīnā
(||rāre||)
śhrī vĕṁkaḍādrivām̐ḍu seri nammiṁchinavām̐ḍu
yīvanidam̐ galasi tānĕravayyīnā
devum̐ḍidam̐ḍainam̐vām̐ḍu tĕravalu navvedĕlla
bhāviṁchugŏnusu mele pasariṁcham̐ḍā