(॥పల్లవి॥)
రారా చిన్నన్నా రారోరి చిన్నవాఁడ
రార ముద్దులాఁడ రారోరి బాలకృష్ణ
(॥రారా॥)
కిందిచూపుల గిలిగించి ఆల
మంద గొల్లెతల మరిగించి
సందడి వలపించి జవరాండ్ల వూర
వింద వైనయట్టి వేడుకకాఁడ
(॥రారా॥)
కొదలుమాఁటలనె గొణఁగుచు భూమి
సుదతుల శిగ్గులు చూరాడి
చిదుగుచేఁతలనె చెనకుచు ముద్దుఁ
బెదవిచవులు చూపిన జాణకాఁడ
(॥రారా॥)
కలికితనముననె కరఁగించి కాచె
చెలుల కాఁగిటనె చెలఁగి
లలనామణి యైన లకిమమ్మఁ
గలసుక శ్రీవెంకటనాథుఁడైనవాఁడ
(||pallavi||)
rārā sinnannā rārori sinnavām̐ḍa
rāra muddulām̐ḍa rārori bālakṛṣhṇa
(||rārā||)
kiṁdisūbula giligiṁchi āla
maṁda gŏllĕdala marigiṁchi
saṁdaḍi valabiṁchi javarāṁḍla vūra
viṁda vainayaṭṭi veḍugagām̐ḍa
(||rārā||)
kŏdalumām̐ṭalanĕ gŏṇam̐gusu bhūmi
sudadula śhiggulu sūrāḍi
sidugusem̐talanĕ sĕnagusu muddum̐
bĕdavisavulu sūbina jāṇagām̐ḍa
(||rārā||)
kaligidanamunanĕ karam̐giṁchi kāsĕ
sĕlula kām̐giḍanĕ sĕlam̐gi
lalanāmaṇi yaina lagimammam̐
galasuga śhrīvĕṁkaḍanāthum̐ḍainavām̐ḍa