(॥పల్లవి॥)
రాను మీకడకు వో రమణులార పూవుఁ
బానుపు హరికి నేఁ బఱవవలయు నేఁడు
(॥రాను॥)
చెలఁగి దేవుండు నేఁడు సిరితో నేఁటికి నో
పొలయలుకలవలపులు నటించి
తలఁపోఁత విరహవేదనల నున్నాఁడు ఈ
చలిమందు లతనికి చాఁతవలయు నేఁడు
(॥రాను॥)
రమణుం డిప్పుడు ఇందిరాదేవియెదుటను
తమకించి యెవ్వతెనో తలంచెనట
కమల గోపింపం గాఁకల నారగింపండు ఈ
హిమజల మతనికి నీయవలయు నేఁడు
(॥రాను॥)
వెలఁదిఁ బాసి తిరువేంకటేశ్వరుడు
కలికియై కౌఁగిటఁ గలసెనట
తిలకము గరఁగేటి తిరుమేనిచమట యీ
వెలినుండి పలుమారు విసరవలయు నేఁడు
(||pallavi||)
rānu mīgaḍagu vo ramaṇulāra pūvum̐
bānubu harigi nem̐ baṟavavalayu nem̐ḍu
(||rānu||)
sĕlam̐gi devuṁḍu nem̐ḍu sirido nem̐ṭigi no
pŏlayalugalavalabulu naḍiṁchi
talam̐pom̐ta virahavedanala nunnām̐ḍu ī
salimaṁdu ladanigi sām̐tavalayu nem̐ḍu
(||rānu||)
ramaṇuṁ ḍippuḍu iṁdirādeviyĕduḍanu
tamagiṁchi yĕvvadĕno talaṁchĕnaḍa
kamala gobiṁpaṁ gām̐kala nāragiṁpaṁḍu ī
himajala madanigi nīyavalayu nem̐ḍu
(||rānu||)
vĕlam̐dim̐ bāsi tiruveṁkaḍeśhvaruḍu
kaligiyai kaum̐giḍam̐ galasĕnaḍa
tilagamu garam̐geḍi tirumenisamaḍa yī
vĕlinuṁḍi palumāru visaravalayu nem̐ḍu