(॥పల్లవి॥)
రామునికి శరణంటె రక్షించీ బ్రదుకరొ
యేమిటికి విచారాలు యిఁక దైత్యులాల
(॥రాము॥)
చలమునఁ దాటికిఁ జదిపిన బాణము
లలి మారీచసుబాహూలపై బాణము
మెలఁగి పరశురాము మేట్లేసిన బాణము
తళతళ మెరసీని తలరో యసురలు
(॥రాము॥)
మాయామృగముమీఁద మరి వేసిన బాణము
చేయి చాఁచి వాటి నేసిన బాణము
తోయధిమీఁద నటు తొడిగిన బాణము
చాయలు దేరుచున్నది చనరో దైతేయులు
(॥రాము॥)
తగఁ గుంభకర్ణునితల ద్రుంచిన బాణము
జిగి రావణుఁ బరిమార్చిన బాణము
మిగుల శ్రీవేంకటేశు మేఁటిపొదలో నున్నది
పగ సాధించీ నిఁకఁ బారరో రాకాసులు
(||pallavi||)
rāmunigi śharaṇaṁṭĕ rakṣhiṁchī bradugarŏ
yemiḍigi visārālu yim̐ka daityulāla
(||rāmu||)
salamunam̐ dāḍigim̐ jadibina bāṇamu
lali mārīsasubāhūlabai bāṇamu
mĕlam̐gi paraśhurāmu meṭlesina bāṇamu
taḽadaḽa mĕrasīni talaro yasuralu
(||rāmu||)
māyāmṛgamumīm̐da mari vesina bāṇamu
seyi sām̐si vāḍi nesina bāṇamu
toyadhimīm̐da naḍu tŏḍigina bāṇamu
sāyalu derusunnadi sanaro daideyulu
(||rāmu||)
tagam̐ guṁbhagarṇunidala druṁchina bāṇamu
jigi rāvaṇum̐ barimārsina bāṇamu
migula śhrīveṁkaḍeśhu mem̐ṭibŏdalo nunnadi
paga sādhiṁchī nim̐kam̐ bāraro rāgāsulu