(॥పల్లవి॥)
రాముఁడు రాఘఁవుడు రవికులుఁ డితఁడు
భూమిజకుఁ బతియైన పురుషనిధానము
(॥రాము॥)
అరయఁ బుత్రకామేష్టియందుఁ బరమాన్నమున
పరగ జనించిన పరబ్రహ్మము
సురల రక్షింపఁగ నసురల శిక్షింపఁగ
తిరమై యుదయించిన దివ్యతేజము
(॥రాము॥)
చింతించే యోగీంద్రుల చిత్తసరోజములలో
సంతతము నిలిచిన సాకారము
వింతలుగా మనులెల్ల వెదకి కనేయట్టి-
కాంతులఁ జెన్నుమీరిన కైవల్యపదము
(॥రాము॥)
వేదవేదాంతములందు విజ్ఞానశాస్త్రములందు
పాదుకొనఁ బలికేటి పరమార్థము
పోదితో శ్రీవేంకటాద్రిఁ బొంచి విజనగరాన
ఆదికి సనాదియైన అర్చావతారము
(||pallavi||)
rāmum̐ḍu rāgham̐vuḍu ravigulum̐ ḍidam̐ḍu
bhūmijagum̐ badiyaina puruṣhanidhānamu
(||rāmu||)
arayam̐ butragāmeṣhṭiyaṁdum̐ baramānnamuna
paraga janiṁchina parabrahmamu
surala rakṣhiṁpam̐ga nasurala śhikṣhiṁpam̐ga
tiramai yudayiṁchina divyadejamu
(||rāmu||)
siṁtiṁche yogīṁdrula sittasarojamulalo
saṁtadamu nilisina sāgāramu
viṁtalugā manulĕlla vĕdagi kaneyaṭṭi-
kāṁtulam̐ jĕnnumīrina kaivalyabadamu
(||rāmu||)
vedavedāṁtamulaṁdu vijñānaśhāstramulaṁdu
pādugŏnam̐ baligeḍi paramārdhamu
podido śhrīveṁkaḍādrim̐ bŏṁchi vijanagarāna
ādigi sanādiyaina arsāvadāramu