(॥పల్లవి॥)
రాముఁడు లోకాభిరాముఁడు
ఆముక విజనగరమందు నున్నవాఁడు
(॥రాముఁ॥)
చక్కఁదనములవాఁడు జానకీవల్లభుఁడు
గక్కన శబరిపూజ గైకొన్నవాఁడు
వెక్కసమైన పైడివిల్లునమ్ములవాఁడు
రక్కసులవైరి దశరథనందనుండు
(॥రాముఁ॥)
శరధి గట్టినవాఁడు చాయ నల్లనివాఁడు
యిరవై సుగ్రీవాదుల నేలినవాఁడు
సరి భరతశత్రుఘ్నసౌమిత్రి సేవితుఁడు
అరిది మునుల కభయమిచ్చినవాఁడు
(॥రాముఁ॥)
అట్టె కౌసల్యాత్మజుఁడు అయోధ్యాపతైనవాఁడు
వొట్టి తారకబ్రహ్మమై వుండేటివాఁడు
గుట్టుతో వరములిచ్చేకోనేటిదండవాఁడు
పట్టపు శ్రీవేంకటాద్రిఁ బరగినవాఁడు
(||pallavi||)
rāmum̐ḍu logābhirāmum̐ḍu
āmuga vijanagaramaṁdu nunnavām̐ḍu
(||rāmum̐||)
sakkam̐danamulavām̐ḍu jānagīvallabhum̐ḍu
gakkana śhabaribūja gaigŏnnavām̐ḍu
vĕkkasamaina paiḍivillunammulavām̐ḍu
rakkasulavairi daśharathanaṁdanuṁḍu
(||rāmum̐||)
śharadhi gaṭṭinavām̐ḍu sāya nallanivām̐ḍu
yiravai sugrīvādula nelinavām̐ḍu
sari bharadaśhatrughnasaumitri sevidum̐ḍu
aridi munula kabhayamichchinavām̐ḍu
(||rāmum̐||)
aṭṭĕ kausalyātmajum̐ḍu ayodhyābadainavām̐ḍu
vŏṭṭi tāragabrahmamai vuṁḍeḍivām̐ḍu
guṭṭudo varamulichchegoneḍidaṁḍavām̐ḍu
paṭṭabu śhrīveṁkaḍādrim̐ baraginavām̐ḍu