రాముఁడు లోకాభిరాముఁ డందరికి రక్షకుఁ డీతనిఁ దెలిసి కొలువరో
(॥పల్లవి॥)
రాముఁడు లోకాభిరాముఁ డందరికి రక్షకుఁ డీతనిఁ దెలిసి కొలువరో
కామితఫలదుఁడు చరాచరములకుఁ గర్తయైన సర్వేశ్వరుడితఁడు
(॥రాము॥)
తలఁప దశరథుని తనయుఁడట తానెతారకబ్రహ్మమట
వెలయ మానుషపు వేషమట వెగటుగ హరువిల్లు విరిచెనట
అలరఁగ తానొక రాజట పాదాన నహల్యశాపము మాన్చెనట
సొలవక దైవికమానుషలీలలు చూపుచు మెరసీఁ జూఁడరోయితఁడు
(॥రాము॥)
జగతి వసిష్ఠునిశిష్యుఁడట జటాయువుకు మోక్ష మిచ్చెనట
అగచరులే తనసేనలట అంబుధి కొండలఁగట్టెనట
మగువకొరకుఁగానట కమలాసను మనుమనిఁ రావణుఁ జంపెనట
తగ లౌకికి వైదికములునొక్కట తానొనరించీఁ జూడరో యితఁడు
(॥రాము॥)
వెస నమరుల వరమడిగెనట విభీషణపట్టము గట్టెనట
యెసగ నయోధ్యకు నేలికట యింద్రాదులకుఁ గొలువిచ్చెనట
పొసగ శ్రీవేంకటగిరి నివాసమట భువనము లుదరంబున ధరించెనట
సుసరపుసూక్ష్మాధికములు తనందుఁ జూపుచునున్నాఁడు చూడరో యితఁడు
(||pallavi||)
rāmum̐ḍu logābhirāmum̐ ḍaṁdarigi rakṣhagum̐ ḍīdanim̐ dĕlisi kŏluvaro
kāmidaphaladum̐ḍu sarāsaramulagum̐ gardayaina sarveśhvaruḍidam̐ḍu
(||rāmu||)
talam̐pa daśharathuni tanayum̐ḍaḍa tānĕdāragabrahmamaḍa
vĕlaya mānuṣhabu veṣhamaḍa vĕgaḍuga haruvillu virisĕnaḍa
alaram̐ga tānŏga rājaḍa pādāna nahalyaśhābamu mānchĕnaḍa
sŏlavaga daivigamānuṣhalīlalu sūbusu mĕrasīm̐ jūm̐ḍaroyidam̐ḍu
(||rāmu||)
jagadi vasiṣhṭhuniśhiṣhyum̐ḍaḍa jaḍāyuvugu mokṣha michchĕnaḍa
agasarule tanasenalaḍa aṁbudhi kŏṁḍalam̐gaṭṭĕnaḍa
maguvagŏragum̐gānaḍa kamalāsanu manumanim̐ rāvaṇum̐ jaṁpĕnaḍa
taga laugigi vaidigamulunŏkkaḍa tānŏnariṁchīm̐ jūḍaro yidam̐ḍu
(||rāmu||)
vĕsa namarula varamaḍigĕnaḍa vibhīṣhaṇabaṭṭamu gaṭṭĕnaḍa
yĕsaga nayodhyagu neligaḍa yiṁdrādulagum̐ gŏluvichchĕnaḍa
pŏsaga śhrīveṁkaḍagiri nivāsamaḍa bhuvanamu ludaraṁbuna dhariṁchĕnaḍa
susarabusūkṣhmādhigamulu tanaṁdum̐ jūbusununnām̐ḍu sūḍaro yidam̐ḍu