రాముఁ డిదే లోకాభిరాముఁ డితఁడు
(॥పల్లవి॥)
రాముఁ డిదే లోకాభిరాముఁ డితఁడు
గోమున పరశురాముకోప మార్చెనటరే
(॥రాము॥)
యీతఁడా తాటకిఁ జించె యీపిన్నవాడా
ఆతల సుబాహుఁ గొట్టి యజ్ఞముఁ గాచె
చేతనే యీకొమరుఁడా శివునివిల్లు విఱిచె
సీతకమ్మఁ బెండ్లాడె చెప్పఁ గొత్త గదవె
(॥రాము॥)
మనకౌసల్యకొడుకా మాయమృగము నేసె
దనుజుల విరాధుని తానే చెఱిచె
తనుమాడె నేడుదాళ్లు తోడనే వాలి నడఁచె
యినకులుఁ డితఁడా యెంతకొత్త చూడరే
(॥రాము॥)
యీవయసుతానే యాయెక్కువజలధి గట్టి
రావణు జంపి సీత మరలఁ దెచ్చెను
శ్రీవేంకటేశుఁ డితఁడా సిరుల నయోధ్య యేలె
కావున నాటికి నేడు కంటి మిట్టె కదరే
(||pallavi||)
rāmum̐ ḍide logābhirāmum̐ ḍidam̐ḍu
gomuna paraśhurāmugoba mārsĕnaḍare
(||rāmu||)
yīdam̐ḍā tāḍagim̐ jiṁchĕ yībinnavāḍā
ādala subāhum̐ gŏṭṭi yajñamum̐ gāsĕ
sedane yīgŏmarum̐ḍā śhivunivillu viṟisĕ
sīdagammam̐ bĕṁḍlāḍĕ sĕppam̐ gŏtta gadavĕ
(||rāmu||)
managausalyagŏḍugā māyamṛgamu nesĕ
danujula virādhuni tāne sĕṟisĕ
tanumāḍĕ neḍudāḽlu toḍane vāli naḍam̐sĕ
yinagulum̐ ḍidam̐ḍā yĕṁtagŏtta sūḍare
(||rāmu||)
yīvayasudāne yāyĕkkuvajaladhi gaṭṭi
rāvaṇu jaṁpi sīda maralam̐ dĕchchĕnu
śhrīveṁkaḍeśhum̐ ḍidam̐ḍā sirula nayodhya yelĕ
kāvuna nāḍigi neḍu kaṁṭi miṭṭĕ kadare