(॥పల్లవి॥)
రాఁగదె పాయము రచ్చలఁ బెట్టక
కాఁగక మీఁగడ గట్టీనటవే
(॥రాఁగ॥)
వలచిన రమణికి వడిఁ బతితోడుత
యెలమిని పంతము లేమిటికే
కలయికలకె మరి కాచుకుండఁగా
చెలరేఁగీ యతని చిత్తముగాకా
(॥రాఁగ॥)
వొగ్గి ననుపుతో నుండిన కాంతకు
యెగ్గులు దప్పులు నేమిటికే
సిగ్గుతొఁ బ్రియము చెప్పఁగఁ జెప్పఁగ
నిగ్గునఁ దా మన్నించీగాకా
(॥రాఁగ॥)
కదిసెను శ్రీవెంకటపతితో నీకు
యెదురు మాటలిఁక నేమిటికే
పదరక వురమున బలుసుకుండఁగా
ముదములు పైపై ముంచీఁగాకా
(||pallavi||)
rām̐gadĕ pāyamu rachchalam̐ bĕṭṭaga
kām̐gaga mīm̐gaḍa gaṭṭīnaḍave
(||rām̐ga||)
valasina ramaṇigi vaḍim̐ badidoḍuda
yĕlamini paṁtamu lemiḍige
kalayigalagĕ mari kāsuguṁḍam̐gā
sĕlarem̐gī yadani sittamugāgā
(||rām̐ga||)
vŏggi nanubudo nuṁḍina kāṁtagu
yĕggulu dappulu nemiḍige
siggudŏm̐ briyamu sĕppam̐gam̐ jĕppam̐ga
niggunam̐ dā manniṁchīgāgā
(||rām̐ga||)
kadisĕnu śhrīvĕṁkaḍabadido nīgu
yĕduru māḍalim̐ka nemiḍige
padaraga vuramuna balusuguṁḍam̐gā
mudamulu paibai muṁchīm̐gāgā