రామకృష్ణ నీవు నందే రాజ్య మేలుచుండుదువు
(॥పల్లవి॥)
రామకృష్ణ నీవు నందే రాజ్య మేలుచుండుదువు
యేమి సేసే విక్కడ నీ యిరవుకే పదవే
(॥రామ॥)
లంక విభీషణు నుంచ లక్ష్మణుని నంపినట్టు
అంకె సుగ్రీవుఁ గిష్కింధ కంపినయట్టు
వంకకు సంజీవి దేను వాయుజుని నంపినట్టు
వేంకటాద్రి పొంతనుండ వేగ మమ్ము నంపవే
(॥రామ॥)
ఘనకిరీటము దేను గరుడని నంపినట్టు
అనుఁగుఁ గపుల నిండ్ల కంపినట్టు
వొనర గోపికలొద్ది కుద్ధవుని నంపినట్టు
ననువు శేషాద్రినుండ నన్ను పంపవే
(॥రామ॥)
పెండిలికిఁ బరుషలఁ బిలువఁగ నంపినట్టు
అండనే ముందరఁ గంత కంపినయట్టు
వెండియు శ్రీవేంకటేశ వేఁట వచ్చి మరలితి-
వుండ (డు?)చోట నుండి నన్ను వూడిగాన కంపవే
(||pallavi||)
rāmakṛṣhṇa nīvu naṁde rājya melusuṁḍuduvu
yemi sese vikkaḍa nī yiravuge padave
(||rāma||)
laṁka vibhīṣhaṇu nuṁcha lakṣhmaṇuni naṁpinaṭṭu
aṁkĕ sugrīvum̐ giṣhkiṁdha kaṁpinayaṭṭu
vaṁkagu saṁjīvi denu vāyujuni naṁpinaṭṭu
veṁkaḍādri pŏṁtanuṁḍa vega mammu naṁpave
(||rāma||)
ghanagirīḍamu denu garuḍani naṁpinaṭṭu
anum̐gum̐ gabula niṁḍla kaṁpinaṭṭu
vŏnara gobigalŏddi kuddhavuni naṁpinaṭṭu
nanuvu śheṣhādrinuṁḍa nannu paṁpave
(||rāma||)
pĕṁḍiligim̐ baruṣhalam̐ biluvam̐ga naṁpinaṭṭu
aṁḍane muṁdaram̐ gaṁta kaṁpinayaṭṭu
vĕṁḍiyu śhrīveṁkaḍeśha vem̐ṭa vachchi maralidi-
vuṁḍa (ḍu?)soḍa nuṁḍi nannu vūḍigāna kaṁpave