(॥పల్లవి॥)
రామా రామభద్ర రవివంశరాఘవ
యేమి యరుదిది నీకింతటివానికిని
(॥రామా॥)
నాఁడు రావణు తలలు నఱకిన లావరివి
నేఁడు నాపాపములు ఖండించరాదా
వాఁడిప్రతాపముతోఁడ వారిధిగట్టిన నాటి-
వాఁడవిట్టె నామనోవార్ధిఁ గట్టరాదా
(॥రామా॥)
తనిసి కుంభకర్ణాది దైత్యుల గెలిచితివి
కినిసి నాయింద్రియాల గెలువరాదా
యెనసి హరుని విల్లు యెక్కుపెట్టి వంచితివి
ఘనము నాదుర్గుణము కడు వంచరాదా
(॥రామా॥)
సరుస విభీషణుఁడు శరణంటేఁ గాచితివి
గరిమ నే శరణంటిఁ గావరాదా
తొరలి శ్రీవేంకటేశ దొడ్డుగొంచ మెంచనేల
యిరవై లోకహితానకేదైనా నేమీ
(||pallavi||)
rāmā rāmabhadra ravivaṁśharāghava
yemi yarudidi nīgiṁtaḍivānigini
(||rāmā||)
nām̐ḍu rāvaṇu talalu naṟagina lāvarivi
nem̐ḍu nābābamulu khaṁḍiṁcharādā
vām̐ḍipradābamudom̐ḍa vāridhigaṭṭina nāḍi-
vām̐ḍaviṭṭĕ nāmanovārdhim̐ gaṭṭarādā
(||rāmā||)
tanisi kuṁbhagarṇādi daityula gĕlisidivi
kinisi nāyiṁdriyāla gĕluvarādā
yĕnasi haruni villu yĕkkubĕṭṭi vaṁchidivi
ghanamu nādurguṇamu kaḍu vaṁcharādā
(||rāmā||)
sarusa vibhīṣhaṇum̐ḍu śharaṇaṁṭem̐ gāsidivi
garima ne śharaṇaṁṭim̐ gāvarādā
tŏrali śhrīveṁkaḍeśha dŏḍḍugŏṁcha mĕṁchanela
yiravai logahidānagedainā nemī