రామ రామచంద్ర రాఘవా రాజీవలోచన రాఘవా
(॥పల్లవి॥)
రామ రామచంద్ర రాఘవా రాజీవలోచన రాఘవా
సౌమిత్రిభరతశత్రుఘ్నులతోడ జయమందు దశరథరాఘవా
(॥రామ॥)
శిరసు కూఁకటుల రాఘవా చిన్నారి పొన్నారి రాఘవా
గరిమ నావయసునఁ దాటకిఁ జంపిన కౌసల్యనందన రాఘవా
అరిది యజ్ఞముగాచు రాఘవా అట్టె హరువిల్లు విఱిచిన రాఘవా
సిరులతో జనకుని యింటను జానకిఁ జెలఁగి పెండ్లాడిన రాఘవా
(॥రామ॥)
మలయు నయోధ్యా రాఘవా మాయామృగాంతక రాఘవా
చెలఁగి చుప్పనాతి గర్వ మడఁచి దైత్యసేనలఁ జంపిన రాఘవా
సొలసి వాలిఁజంపి రాఘవా దండి సుగ్రీవునేలిన రాఘవా
జలధి బంధించిన రాఘవా లంక సంహరించిన రాఘవా
(॥రామ॥)
దేవతలు చూడ రాఘవా నీవు దేవేంద్రు రథమెక్కి రాఘవా
రావణాదులనుఁ జంపి విభీషణు రాజ్యమేలించిన రాఘవా
వేవేగ మరలి రాఘవా వచ్చి విజయ పట్టమేలి రాఘవా
శ్రీవేంకటగిరిమీఁద నభయము చేరి మాకిచ్చిన రాఘవ
(||pallavi||)
rāma rāmasaṁdra rāghavā rājīvalosana rāghavā
saumitribharadaśhatrughnuladoḍa jayamaṁdu daśharatharāghavā
(||rāma||)
śhirasu kūm̐kaḍula rāghavā sinnāri pŏnnāri rāghavā
garima nāvayasunam̐ dāḍagim̐ jaṁpina kausalyanaṁdana rāghavā
aridi yajñamugāsu rāghavā aṭṭĕ haruvillu viṟisina rāghavā
sirulado janaguni yiṁṭanu jānagim̐ jĕlam̐gi pĕṁḍlāḍina rāghavā
(||rāma||)
malayu nayodhyā rāghavā māyāmṛgāṁtaga rāghavā
sĕlam̐gi suppanādi garva maḍam̐si daityasenalam̐ jaṁpina rāghavā
sŏlasi vālim̐jaṁpi rāghavā daṁḍi sugrīvunelina rāghavā
jaladhi baṁdhiṁchina rāghavā laṁka saṁhariṁchina rāghavā
(||rāma||)
devadalu sūḍa rāghavā nīvu deveṁdru rathamĕkki rāghavā
rāvaṇādulanum̐ jaṁpi vibhīṣhaṇu rājyameliṁchina rāghavā
vevega marali rāghavā vachchi vijaya paṭṭameli rāghavā
śhrīveṁkaḍagirimīm̐da nabhayamu seri māgichchina rāghava