పుట్టుమాలిన బరుబోఁకివి నన్నుఁ
(॥పల్లవి॥)
పుట్టుమాలిన బరుబోఁకివి నన్నుఁ
దిట్టే వదేమోసి దిమ్మరిమాయ
(॥పుట్టు॥)
ఒరపులాడక పోవె వోసి మాయ నాతోఁ
దొరలేవు నిను ముట్ట దోసము
వెరపించే వేమోచి విష్ణుభక్తినంటా -
నెరఁగనటే నీయేతు లిన్నియును
(॥పుట్టు॥)
వుదుటు చెల్లదు పోపో వోసి మాయ నా-
యెదుర మాఁటలు నీకు నిఁకనేలే,
వదరేపు హరిభక్తి వనిత, తెలియరు నే-
నిదురవుచ్చినవారు నీవు నా కెదురా
(॥పుట్టు॥)
వొల్లవటే జీవ మోసిమాయ నీ
కల్లలిన్నియును లోక మెఱఁగును,
నల్లనివిభునిమన్ననభక్తినంటాఁ
జెల్లఁబో పాపపుచేఁదు మేయకువే
(॥పుట్టు॥)
పూరకుండవుగా వోసిమాయ నిన్నుఁ
బేరఁ బిలువము గుంపెనలాడేవు,
నారాయణభక్తినాతి నన్నును నిన్నుఁ
గోరి యుందరు నెఱఁగుదు రేల పోవె
(॥పుట్టు॥)
వోవవు ననుఁజూచి వోసిమాయ నా-
తోవ వచ్చినను నొత్తువు నీవు,
శ్రీ వేంకటగిరిదేవునిభక్తి నా -
హవళికే నిన్ను నలమి రిందరును
(||pallavi||)
puṭṭumālina barubom̐kivi nannum̐
diṭṭe vademosi dimmarimāya
(||puṭṭu||)
ŏrabulāḍaga povĕ vosi māya nādom̐
dŏralevu ninu muṭṭa dosamu
vĕrabiṁche vemosi viṣhṇubhaktinaṁṭā -
nĕram̐ganaḍe nīyedu linniyunu
(||puṭṭu||)
vuduḍu sĕlladu pobo vosi māya nā-
yĕdura mām̐ṭalu nīgu nim̐kanele,
vadarebu haribhakti vanida, tĕliyaru ne-
niduravuchchinavāru nīvu nā kĕdurā
(||puṭṭu||)
vŏllavaḍe jīva mosimāya nī
kallalinniyunu loga mĕṟam̐gunu,
nallanivibhunimannanabhaktinaṁṭām̐
jĕllam̐bo pābabusem̐du meyaguve
(||puṭṭu||)
pūraguṁḍavugā vosimāya ninnum̐
beram̐ biluvamu guṁpĕnalāḍevu,
nārāyaṇabhaktinādi nannunu ninnum̐
gori yuṁdaru nĕṟam̐gudu rela povĕ
(||puṭṭu||)
vovavu nanum̐jūsi vosimāya nā-
tova vachchinanu nŏttuvu nīvu,
śhrī veṁkaḍagiridevunibhakti nā -
havaḽige ninnu nalami riṁdarunu