పుట్టుగులు నొక్కటే పుణ్యపాపములే వేరు
(॥పల్లవి॥)
పుట్టుగులు నొక్కటే పుణ్యపాపములే వేరు
యెట్టుసేసినాఁ జేసీ నేమి సేయవచ్చును
(॥పుట్టు॥)
పగలే రేయి యీబడిఁ గొన్నిజీవులకు
వొగి నా రేయి పగలౌ నొకరికిని
తగుదైవ మొకఁడే తమ మతములే వేరు
పగటుల విష్ణుమాయ భ్రమయించీ నిదివో
(॥పుట్టు॥)
నిలువెల్లాఁ జేఁదే నెరిఁ గొన్నివృక్షములు
కలదెల్లఁ దీపే కమ్మరఁ గొన్ని
తలఁపును నొకటే తత్త్వములే వేరువేరు
చెలరేఁగి విష్ణుమాయ చిక్కువెట్టీ నిదివో
(॥పుట్టు॥)
ఇహమే పరము యెరిఁగితేఁ గొందరికి
మహిఁ బరమే ఇహము మరొకరికి
వహితో శ్రీవేంకటేశు వలెనని కొలిచితే
సహజపు విష్ణుమాయ జారిపోవునపుడే
(||pallavi||)
puṭṭugulu nŏkkaḍe puṇyabābamule veru
yĕṭṭusesinām̐ jesī nemi seyavachchunu
(||puṭṭu||)
pagale reyi yībaḍim̐ gŏnnijīvulagu
vŏgi nā reyi pagalau nŏgarigini
tagudaiva mŏgam̐ḍe tama madamule veru
pagaḍula viṣhṇumāya bhramayiṁchī nidivo
(||puṭṭu||)
niluvĕllām̐ jem̐de nĕrim̐ gŏnnivṛkṣhamulu
kaladĕllam̐ dībe kammaram̐ gŏnni
talam̐punu nŏgaḍe tattvamule veruveru
sĕlarem̐gi viṣhṇumāya sikkuvĕṭṭī nidivo
(||puṭṭu||)
ihame paramu yĕrim̐gidem̐ gŏṁdarigi
mahim̐ barame ihamu marŏgarigi
vahido śhrīveṁkaḍeśhu valĕnani kŏliside
sahajabu viṣhṇumāya jāribovunabuḍe