పుట్టుభోగి జవరాలు పొలిఁతి యిది
(॥పల్లవి॥)
పుట్టుభోగి జవరాలు పొలిఁతి యిది
పట్టెమంచము మీఁదటఁ బవళించేదెపుడు
(॥పట్టు॥)
కందువ నీకిందాఁకా గతులు చెప్పనేపట్టె
యెందాఁకా వేగించు నింతి నీతోను
అందముగ నిలుచుండి ఆకుమడిచియ్యఁబట్టె
కుందణపు గద్దెమీఁదఁ గూచుండేదేవుడు
(॥పట్టు॥)
వూడిగాలుసేసి నీవొద్దనుండనేపట్టె
యేడగాఁ గొలువుసేసు నెదుట నీకు
పాడితోఁ బందెమువేసి పగడసాలాడఁబట్టె
ఆడనే పరపుమీఁద నలపారే దెపుడు
(॥పట్టు॥)
గక్కన నీవు గూడఁగా కన్నుల జంక్కించఁబట్టె
యెక్కడగా సన్నసేసు నింతేసి నీకు
చక్కని శ్రీవెంకటేశ సమ్మతించుకొనఁబట్టె
వొక్క మలగుపై నొరగుండి నవ్వేదెపుడు
(||pallavi||)
puṭṭubhogi javarālu pŏlim̐ti yidi
paṭṭĕmaṁchamu mīm̐daḍam̐ bavaḽiṁchedĕbuḍu
(||paṭṭu||)
kaṁduva nīgiṁdām̐kā gadulu sĕppanebaṭṭĕ
yĕṁdām̐kā vegiṁchu niṁti nīdonu
aṁdamuga nilusuṁḍi āgumaḍisiyyam̐baṭṭĕ
kuṁdaṇabu gaddĕmīm̐dam̐ gūsuṁḍedevuḍu
(||paṭṭu||)
vūḍigālusesi nīvŏddanuṁḍanebaṭṭĕ
yeḍagām̐ gŏluvusesu nĕduḍa nīgu
pāḍidom̐ baṁdĕmuvesi pagaḍasālāḍam̐baṭṭĕ
āḍane parabumīm̐da nalabāre dĕbuḍu
(||paṭṭu||)
gakkana nīvu gūḍam̐gā kannula jaṁkkiṁcham̐baṭṭĕ
yĕkkaḍagā sannasesu niṁtesi nīgu
sakkani śhrīvĕṁkaḍeśha sammadiṁchugŏnam̐baṭṭĕ
vŏkka malagubai nŏraguṁḍi navvedĕbuḍu