పుట్టినట్టె వున్నవాఁడ పోలేదు రాలేదు
(॥పల్లవి॥)
పుట్టినట్టె వున్నవాఁడ పోలేదు రాలేదు
ఇట్టె నీ దాసుఁడ నైతి యెంగిలెల్లఁ బాసె
(॥పుట్టి॥)
వెలినున్న జగమెల్ల విష్ణుఁడ నీ మహిమే
అలరి నాలోన నీవే అంతరాత్మవు
తెలిసి నేనున్నచోటే దివ్యవైకుంఠము
వెలలేని నరకముల వెరపెల్లఁ దీరె
(॥పుట్టి॥)
తనువుతో నుండేది నీ తలఁచిన తలఁపేనా
మనుపు సంసారము నీమాయ చేతిదే
పనులనా కర్మము నీ పంచినట్టి పనుపే
మనసు లోపలి యనుమానమెల్లఁ బాసె
(॥పుట్టి॥)
తెరమరుగు దినాలు దేవుఁడ నీ కల్పితమే
సొరిది యీ సురలెల్ల చుట్టాలే నాకు
నిరతి శ్రీవేంకటేశ నీమరఁగు చొచ్చి నేఁడు
గురుని యానతిచేతఁ గొంకులెల్లా బాసె
(||pallavi||)
puṭṭinaṭṭĕ vunnavām̐ḍa poledu rāledu
iṭṭĕ nī dāsum̐ḍa naidi yĕṁgilĕllam̐ bāsĕ
(||puṭṭi||)
vĕlinunna jagamĕlla viṣhṇum̐ḍa nī mahime
alari nālona nīve aṁtarātmavu
tĕlisi nenunnasoḍe divyavaiguṁṭhamu
vĕlaleni naragamula vĕrabĕllam̐ dīrĕ
(||puṭṭi||)
tanuvudo nuṁḍedi nī talam̐sina talam̐penā
manubu saṁsāramu nīmāya sedide
panulanā karmamu nī paṁchinaṭṭi panube
manasu lobali yanumānamĕllam̐ bāsĕ
(||puṭṭi||)
tĕramarugu dinālu devum̐ḍa nī kalbidame
sŏridi yī suralĕlla suṭṭāle nāgu
niradi śhrīveṁkaḍeśha nīmaram̐gu sŏchchi nem̐ḍu
guruni yānadisedam̐ gŏṁkulĕllā bāsĕ