పుట్టినమొదలు నేను పుణ్యమేమీఁ గాననైతి
(॥పల్లవి॥)
పుట్టినమొదలు నేను పుణ్యమేమీఁ గాననైతి
యెట్టు గాచేవయ్య నన్ను యిందిరానాథా
(॥పుట్టి॥)
కామినులఁ జూచిచూచి కన్నులఁ గొంతపాపము
వేమరు నిందలు విని వీనులఁ గొంతపాపము
నామువారఁ గల్లలాడి నాలికఁ గొంతపాపము
గోమునఁ బాపము మేనఁ గుప్పలాయ నివిగో
(॥పుట్టి॥)
కానిచోట్లకు నేఁగి కాఁగిళ్ళఁ గొంతపాపము
సేన దానాలందుకొని చేతులఁ గొంతపాపము
మానని కోపమే పెంచి మతిఁ గొంతపాపము
పూని పాపములే నాలోఁ బోగులాయ నివిగో
(॥పుట్టి॥)
చేసినట్టివాఁడఁగాన చెప్ప నీకుఁ జోటులేదు
దాఁసుడ నే నైతిఁ గొన దయ దలఁచితివయ్య
యీసరవులెల్లఁ జూచి యేమని నుతింతు నిన్ను
ఆసల శ్రీవేంకటేశ ఆయఁబోయఁ బనులు
(||pallavi||)
puṭṭinamŏdalu nenu puṇyamemīm̐ gānanaidi
yĕṭṭu gāsevayya nannu yiṁdirānāthā
(||puṭṭi||)
kāminulam̐ jūsisūsi kannulam̐ gŏṁtabābamu
vemaru niṁdalu vini vīnulam̐ gŏṁtabābamu
nāmuvāram̐ gallalāḍi nāligam̐ gŏṁtabābamu
gomunam̐ bābamu menam̐ guppalāya nivigo
(||puṭṭi||)
kānisoṭlagu nem̐gi kām̐giḽḽam̐ gŏṁtabābamu
sena dānālaṁdugŏni sedulam̐ gŏṁtabābamu
mānani kobame pĕṁchi madim̐ gŏṁtabābamu
pūni pābamule nālom̐ bogulāya nivigo
(||puṭṭi||)
sesinaṭṭivām̐ḍam̐gāna sĕppa nīgum̐ joḍuledu
dām̐suḍa ne naidim̐ gŏna daya dalam̐sidivayya
yīsaravulĕllam̐ jūsi yemani nudiṁtu ninnu
āsala śhrīveṁkaḍeśha āyam̐boyam̐ banulu