పుట్టిన మాటలివి భూమిలోనను
(॥పల్లవి॥)
పుట్టిన మాటలివి భూమిలోనను
దట్టపు సిగ్గులతోడ తానేల నవ్వీనే
(॥పుట్టి॥)
తుమ్మిదలు బెదరెను దొండపండు గంటివడె
కొమ్మలాల చూడరే యీకొత్తలు నేఁడు
యిమ్ముల నీసోద్యములిందరమునాడుకొంటే
తమ్మికంటి యిందుకుఁగా తానేల నవ్వీనే
(॥పుట్టి॥)
జల్లన ముత్యాలు రాలె చందురుఁడుదయమాయ
యిల్లదివో వినరె వోయింతులాల
చల్లఁగా నేమిదిచూచి సంతోసించుకొంటేను
దల్లాళితనముతోడ తానేల నవ్వీనే
(॥పుట్టి॥)
కలువలు చెంగలించె కన్నెజాజులు ననిచె
లలిమీరి వోభామలాల మెచ్చరే
అలమి శ్రీ వెంకటేశుఁడాడనున్నాఁడంటిమింతే
తలపోసి తలపోసి తానేల నవ్వీనే
(||pallavi||)
puṭṭina māḍalivi bhūmilonanu
daṭṭabu sigguladoḍa tānela navvīne
(||puṭṭi||)
tummidalu bĕdarĕnu dŏṁḍabaṁḍu gaṁṭivaḍĕ
kŏmmalāla sūḍare yīgŏttalu nem̐ḍu
yimmula nīsodyamuliṁdaramunāḍugŏṁṭe
tammigaṁṭi yiṁdugum̐gā tānela navvīne
(||puṭṭi||)
jallana mutyālu rālĕ saṁdurum̐ḍudayamāya
yilladivo vinarĕ voyiṁtulāla
sallam̐gā nemidisūsi saṁtosiṁchugŏṁṭenu
dallāḽidanamudoḍa tānela navvīne
(||puṭṭi||)
kaluvalu sĕṁgaliṁchĕ kannĕjājulu nanisĕ
lalimīri vobhāmalāla mĕchchare
alami śhrī vĕṁkaḍeśhum̐ḍāḍanunnām̐ḍaṁṭimiṁte
talabosi talabosi tānela navvīne