పుట్టించినవాఁడు దానే బుద్ధిచెప్పేవాఁడు దానే
(॥పల్లవి॥)
పుట్టించినవాఁడు దానే బుద్ధిచెప్పేవాఁడు దానే
యిట్టె శ్రీహరి నన్నే ట్టీడేరించీనో
(॥పుట్టించి॥)
యెంచుకొందు నొకవేళ నేఁటి సంసారమిదని
యించుకవడిలోనే మోహింతు నందుకు
కంచువంటి దీమనసు కటకటా యేది వాటి
చంచలుఁడ హరి నన్నేసంగతి సేసీనో
(॥పుట్టించి॥)
తలఁతు నేనొకవేళ దైవము గనేనని
కలిమి నంతటిలోనె కడు మరతు
చలపట్టె నిదివో నాజన్మములకేది వాటి
కలుషచిత్తుఁడ నన్నేకందువఁ బెట్టీనో
(॥పుట్టించి॥)
జ్ఞానినౌదు నొకవేళ సరిఁ గర్మినౌదును
మానువంటిదీగుణము మరేది వాటి
కోనల శ్రీవేంకటేశుఁ గొలిచి నే శరణంటి
మానిసి నింతే యెట్టు మన్నించీనో
(||pallavi||)
puṭṭiṁchinavām̐ḍu dāne buddhisĕppevām̐ḍu dāne
yiṭṭĕ śhrīhari nanne ṭṭīḍeriṁchīno
(||puṭṭiṁchi||)
yĕṁchugŏṁdu nŏgaveḽa nem̐ṭi saṁsāramidani
yiṁchugavaḍilone mohiṁtu naṁdugu
kaṁchuvaṁṭi dīmanasu kaḍagaḍā yedi vāḍi
saṁchalum̐ḍa hari nannesaṁgadi sesīno
(||puṭṭiṁchi||)
talam̐tu nenŏgaveḽa daivamu ganenani
kalimi naṁtaḍilonĕ kaḍu maradu
salabaṭṭĕ nidivo nājanmamulagedi vāḍi
kaluṣhasittum̐ḍa nannegaṁduvam̐ bĕṭṭīno
(||puṭṭiṁchi||)
jñāninaudu nŏgaveḽa sarim̐ garminaudunu
mānuvaṁṭidīguṇamu maredi vāḍi
konala śhrīveṁkaḍeśhum̐ gŏlisi ne śharaṇaṁṭi
mānisi niṁte yĕṭṭu manniṁchīno