పుట్టించేవాఁడవు నీవే పోరులు వెట్టేవు నీవే
(॥పల్లవి॥)
పుట్టించేవాఁడవు నీవే పోరులు వెట్టేవు నీవే
యెట్టు నేరుచుకొంటివిది నీ వినోదమా
(॥పుట్టిం॥)
కొందరు దేవతలును కొందరు రాక్షసులును
ఇందరి కంతర్యామి వెప్పుడు నీవు
అంది కోప మొకరిపై అట్టే ప్రసాద మొకరి
కిందులోనే పక్షపాతమిది నీకే తగును
(॥పుట్టిం॥)
నరకమనుచుఁ గొంత నగి స్వర్గమని కొంత
నిరతి గురిసేసేవు నీకుక్షిలోనే
ధరఁ జీఁకటొకవంక తగ వెన్నెలొకవంక
నెరపేవు నీ మాయ నీకే తెలును
(॥పుట్టిం॥)
దాసపరిపాలనము తగు దుష్టశిక్షణము
వాసిఁ గైకొంటివి నీకు వశమై రెండు
దోసము నీవల్ల లేదు తొలుతే శ్రీవేంకటేశ
సేసినవారి పుణ్యమే చిత్తానఁ బెట్టితివి
(||pallavi||)
puṭṭiṁchevām̐ḍavu nīve porulu vĕṭṭevu nīve
yĕṭṭu nerusugŏṁṭividi nī vinodamā
(||puṭṭiṁ||)
kŏṁdaru devadalunu kŏṁdaru rākṣhasulunu
iṁdari kaṁtaryāmi vĕppuḍu nīvu
aṁdi koba mŏgaribai aṭṭe prasāda mŏgari
kiṁdulone pakṣhabādamidi nīge tagunu
(||puṭṭiṁ||)
naragamanusum̐ gŏṁta nagi svargamani kŏṁta
niradi gurisesevu nīgukṣhilone
dharam̐ jīm̐kaḍŏgavaṁka taga vĕnnĕlŏgavaṁka
nĕrabevu nī māya nīge tĕlunu
(||puṭṭiṁ||)
dāsabaribālanamu tagu duṣhṭaśhikṣhaṇamu
vāsim̐ gaigŏṁṭivi nīgu vaśhamai rĕṁḍu
dosamu nīvalla ledu tŏlude śhrīveṁkaḍeśha
sesinavāri puṇyame sittānam̐ bĕṭṭidivi